కొత్త సంవత్సరంలో ఏం చేయాలో చెబుతూ సమంత ఎమోషనల్ పోస్ట్
స్టార్ హీరోయిన్ సమంత, యశోద సినిమా విడుదల సమయంలో తన అనారోగ్యం గురించి అందరి ముందు బయటపెట్టింది. ఆటో ఇమ్యూన్ వ్యాధిరకమైన మయోసైటిస్ అనే వ్యాధితో బాధపడుతుంది సమంత. శరీరంలోని రోగనిరోధక వ్యవస్థ, ఆ శరీరంలోని ఆరోగ్యకరమైన కణాల మీద దాడిచేసే పరిస్థితినే ఆటో ఇమ్యూన్ అంటారు. ఇది చాలా రకాలుగా ఉంటుంది. ఈ విషయమై ఎక్కువ వివరాలు వెల్లడించలేదు సమంత. సమంత అనారోగ్యం గురించి తెలియగానే అభిమానులు అందరూ చాలా బాధపడ్డారు. సమంత ధైర్యం చెబుతూ సోషల్ మీడియా వేదికగా సందేశాలు పంపించారు. ఐతే గత కొన్ని రోజులుగా సమంత సోషల్ మీడియాలో ఎక్కువగా కనబడటం లేదు. దాంతో అభిమానుల్లో అందోళన ఎక్కువైంది. తన ఆరోగ్యం ఎలా ఉందోనని ఆలోచించారు.
మీవల్ల అయ్యే తీర్మానాలనే లక్ష్యంగా పెట్టుకోండి
ప్రస్తుతం ఇన్స్టాలో దర్శనమిచ్చింది సమంత. మేకప్ లేకుండా దిగిన ఫోటోను అందరితో పంచుకుంది. కొత్త సంవత్సర తీర్మానాలుగా ఎలాంటి వాటిని సెట్ చేసుకోవాలో తెలిపింది. మనవల్ల సులభంగా అయ్యే పనులు, కొత్త పనులను తీర్మానాలుగా సెట్ చేసుకోవాలి. అవి మనమీద చెడు ప్రభావం చూపకుండా, మనల్ని ఇబ్బంది పెట్టకుండా ఉండాలని సూచించింది. చాలారోజుల తర్వాత సోషల్ మీడియాలో సమంత దర్శనమివ్వడంతో, అందరూ తన హెల్త్ గురించి ఆరా తీసారు. కొందరేమో, మీరు తొందరగా కోలుకుంటారని, మీకోసం ఎదురుచూస్తున్నామని తెలిపారు. ఇటీవల హీరో రాహుల్ రవీంద్రన్, సమంతకు ధైర్యం చెబుతూ ఒక సందేశాత్మక వ్యాక్యాలతో ఉన్న ఫోటో ఫ్రేమ్ ని బహుమతిగా అందించారు. ఈ విషయం సమంత స్వయంగా వెల్లడించింది.
