Samantha: సినిమాల సంఖ్య కాదు,నాణ్యతే ముఖ్యం.. అందుకే సినిమాలు తగ్గించాను: సమంత
ఈ వార్తాకథనం ఏంటి
సినీ రంగంలో అగ్రనటిగానే కాకుండా నిర్మాతగా కూడా కొత్త తరహా కథలను ప్రేక్షకులకు అందిస్తూ మంచి పేరు తెచ్చుకున్న సమంత, మరోసారి వార్తల్లో నిలిచారు. తాజాగా ప్రముఖ పత్రిక గ్రాజియా ఇండియా (Grazia India) తాజా ఎడిషన్‌ కవర్‌పేజీపై ఆమె అందచందాలు కనువిందు చేశాయి. ఈ సందర్భంగా ఆ పత్రికకు ఇచ్చిన ఇంటర్వ్యూలో తన కెరీర్‌,వ్యక్తిగత మార్పులు,ఆలోచనలు వంటి అనేక ఆసక్తికర విషయాలను సమంత పంచుకున్నారు. సినిమాల సంఖ్య కంటే వాటి నాణ్యతే ముఖ్యమని ఆమె స్పష్టం చేశారు. 15 ఏళ్లుగా సినీ పరిశ్రమలో తన ప్రత్యేక గుర్తింపును నిలబెట్టుకున్న సమంత, ఇప్పుడు సినిమాలతో పాటు ఆరోగ్యాన్ని కూడా ముఖ్యంగా చూసుకుంటున్నానని చెప్పారు.
వివరాలు
శారీరక, మానసిక ఆరోగ్యానికి ప్రాధాన్యం
"ఇప్పుడున్న నేను, గతంలో ఉన్న నేను..మధ్య చాలా తేడా ఉంది. మంచి పనులు చేయగల స్థాయికి చేరుకున్నాను. ఫిట్‌నెస్‌, సినిమాలు రెండింటికీ సమ ప్రాధాన్యం ఇస్తున్నాను.ఇప్పటి వరకు చేసిన సినిమాలు, వెబ్‌సిరీస్‌లు అన్నీ నా మనసుకు దగ్గరగా ఉన్నవి. అవి కేవలం గుర్తింపు కోసం చేసినవి కావు"అని సమంత వివరించారు. అలాగే, తాను ఇకపై ఒకేసారి ఎక్కువ ప్రాజెక్టులు చేయబోనని ఆమె తెలిపారు. "కొన్ని సంవత్సరాల కిందట లాగా ఐదు సినిమాలను ఒకేసారి అంగీకరించను. నా శారీరక,మానసిక స్థితిని గమనించుకోవాలి అన్న అవసరాన్ని గ్రహించాను.అందుకే కొద్దిగా పనిని తగ్గించుకున్నాను. కానీ తక్కువ చేసినా,ప్రతి సినిమా ప్రేక్షకులకు నచ్చేలా ఉంటుందని నమ్మకం ఉంది.సంఖ్య తగ్గినా, నాణ్యత మాత్రం తప్పకుండా పెరుగుతుంది" అని సమంత అన్నారు.
వివరాలు
సామాజిక మాధ్యమాల్లో సాధ్యమైనంత వరకు వాస్తవంగా ఉండడానికి ప్రయత్నిస్తాను: సమంత
సోషల్‌ మీడియాలో ఎల్లప్పుడూ చురుకుగా ఉండే సమంత, ఆ వేదికలో వచ్చే ప్రశంసలతో పాటు విమర్శలను కూడా స్వీకరించగలగాలి అని చెప్పారు. "నిజాయితీగా ఉండేందుకు సామాజిక మాధ్యమాల్లో ప్రయత్నిస్తాను. అభినందనలు వస్తే సంతోషపడతాం, అలాగే ట్రోలింగ్‌, ప్రతికూల వ్యాఖ్యలను కూడా హుందాగా తీసుకోవాలి. వాటిని నియంత్రించడం మీ చేతిలో ఉంటుంది కానీ అవి మీ జీవితాన్ని పూర్తిగా ప్రభావితం చేయకుండా జాగ్రత్త పడాలి" అని ఆమె అన్నారు. ప్రస్తుతం సమంత, రాజ్‌-డీకే దర్శకత్వంలో తెరకెక్కుతున్న రక్త్‌ బ్రహ్మాండ్‌: ది బ్లడీ కింగ్‌డమ్‌ సినిమాలో నటిస్తున్నారు. ఆదిత్యరాయ్‌ కపూర్‌, సమంతతో పాటు అలీ ఫజల్‌ కూడా కీలక పాత్రలో కనిపిస్తున్నారు. పీరియాడిక్‌ డ్రామాగా ఈ చిత్రం రూపుదిద్దుకుంటోంది.