మార్టిన్ లూథర్ కింగ్: ఇంట్రెస్టింగ్ టైటిల్ తో సంపూర్ణేష్ బాబు కొత్త చిత్రం
హృదయ కాలేయం సినిమాతో ఇండస్ట్రీలోకి వచ్చిన సంపూర్ణేష్ బాబు, తాజాగా ఇంట్రెస్టింగ్ సినిమాతో ప్రేక్షకుల ముందుకు వస్తున్నాడు. మార్టిన్ లూథర్ కింగ్ అనే టైటిల్ తో తెరకెక్కుతున్న ఈ సినిమా నిర్మాణంలో దర్శకుడు వెంకటేష్ మహా పాలుపంచుకుంటున్నాడు. 2021 సంవత్సరంలో తమిళంలో సూపర్ సక్సెస్ అందుకున్న మండేలా సినిమాకు రీమేక్ గా మార్టిన్ లూథర్ కింగ్ సినిమా రూపొందుతోంది. మండేలా సినిమాలో యోగి బాబు ప్రధాన పాత్రలో కనిపించారు. ఇప్పుడు తెలుగులో సంపూర్ణేష్ బాబు కనిపించనున్నారు. ఈ సినిమాతో పూజ అపర్ణ కొల్లూరు అనే దర్శకురాలు ఇండస్ట్రీకి పరిచయం కాబోతుంది. సీనియర్ యాక్టర్ నరేష్ ప్రధాన పాత్రలో కనిపిస్తున్న ఈ సినిమా, అక్టోబర్ 27వ తేదీన థియేటర్లలోకి రాబోతుంది.
