Satyabhama teaser: కాజల్ నటించిన 'సత్యభామ' టీజర్ విడుదల తేదీని ప్రకటించిన నిర్మాతలు
ఇటీవల భగవంత్ కేసరిలో నందమూరి బాలకృష్ణతో కలిసి నటించిన కాజల్ అగర్వాల్.. త్వరలో క్రైమ్ థ్రిల్లర్‌ 'సత్యభామ' సినిమాతో ప్రేక్షకులను అలరించబోతోంది. 'సత్యబామ' కాజల్ అగర్వాల్‌కు 60వ చిత్రం కావడం గమనార్హం. ఈ మూవీలో కాజల్ ఏసీపీ పాత్రను పోషించింది. తాజాగా 'సత్యబామ' సినిమా టీజర్‌కు సంబంధించిన అప్డేట్ వచ్చింది. సత్యభామ టీజర్‌ను దీపావళి కానుకగా నవంబర్ 10న విడుదల చేయనున్నట్లు చిత్ర నిర్మాతలు అధికారికంగా ప్రకటించారు. అయితే, టీజర్‌ను ఏ సమయానికి విడుదల చేస్తారనే విషయాన్ని మాత్రం నిర్మాతలు చెప్పలేదు. అఖిల్ డేగల దర్శకత్వం వహించిన ఈ సినిమాను ఔరం ఆర్ట్స్ బ్యానర్‌పై బాబీ తిక్క, శ్రీనివాస్ రావు తక్కలపెల్లి నిర్మించారు. శ్రీచరణ్ పాకాల సంగీతం సమకూర్చారు.
