వైరల్ వీడియో: శర్వానంద్ పెళ్ళిలో సిద్ధార్థ్ పాట; వావ్ అంటున్న అభిమానులు
ఈ వార్తాకథనం ఏంటి
ఈ మధ్య హీరో సిద్ధార్థ్ ఎక్కడికి వెళ్లినా తన పాటలతో అందరినీ అలరిస్తున్నాడు. ఒకానొక టెలివిజన్ ప్రోగ్రాంలో అతిథిగా విచ్చేసిన సిద్ధార్థ్, బొమ్మరిల్లు సినిమాలోని పాటలు పాడి అందరికీ వినోదం పంచాడు.
అలాగే తన తాజా సినిమా టక్కర్ ప్రీ రిలీజ్ ఈవెంట్ లోనూ తన గాత్రాన్ని వినిపించాడు.
తాజాగా శర్వానంద్ పెళ్లిలో పాట పాడాడు. జూన్ 3వ తేదీన జైపూర్ లోని లీలా ప్యాలెస్ లో రక్షిత రెడ్డితో శర్వానంద్ వివాహం వైభవంగా జరిగింది.
ఈ వేడుకకు టాలీవుడ్ సెలబ్రిటీలు రామ్ చరణ్, సిద్ధార్థ్ అదితీ రావ్ హైదరీ హాజరయ్యారు. అయితే పెళ్లి వేడుకలో ఓయ్ ఓయ్ అనే పాటను సింగర్స్ ఆలపిస్తుండగా, సిద్ధార్థ్ నడుచుకుంటూ వచ్చి స్టేజ్ ఎక్కాడు.
Details
వైరల్ అవుతున్న వీడియో
సింగర్ చేతిలోంచి మైక్ తీసుకుని ఓయ్ అనే పాటను పూర్తిగా పాడి అందరినీ ఎంటర్ టైన్ చేసాడు. ప్రస్తుతం ఈ వీడియో, ఇంటర్నెట్లో వైరల్ అవుతోంది.
హీరో సిద్ధార్థ్, శర్వానంద్ కలిసి మహాసముద్రం అనే సినిమాలో నటించారు. ఆర్ఎక్స్ 100 దర్శకుడు అజయ్ భూపతి ఈ సినిమాను తెరకెక్కించాడు.
మహాసముద్రం సినిమాకు ప్రేక్షకుల నుండి సరైన స్పందన రాలేదు. చాలా రోజుల తర్వాత సిద్ధార్థ్ నటించిన తెలుగు చిత్రం ఇది.
ప్రస్తుతం టక్కర్ అనే సినిమాను ప్రేక్షకుల ముందుకు జూన్ 9వ తేదీన తీసుకొస్తున్నాడు. డబ్బు చుట్టూ తిరిగే ఈ కథలో సిద్ధార్థ్ అంతకు ముందు సినిమాల కంటే కొత్తగా కనిపించనున్నాడు.
Embed
శర్వానంద్ పెళ్ళిలో పాట పాడిన సిద్ధార్థ్
Siddharth singing Oye Oye in Sharwanand Wedding