అలియా భట్ పంపిన బహుమతితో మెరిసిపోతున్న మహేష్ బాబు కూతురు సితార
మహేష్ బాబు గారాల పట్టీ సితార, తాజాగా ఇన్ స్టా వేదికగా బాలీవుడ్ భామ ఆలియా భట్ కు థ్యాంక్స్ చెప్పింది. ఆలియా భట్ పంపిన బట్టలను ధరించి, తనను కూడా ఆలియా కుటుంబంలో భాగం చేసుకున్నందుకు ధన్యవాదాలు తెలియజేసింది. బట్టల వ్యాపారంలోకి అడుగుపెట్టిన ఆలియా భట్, అప్పుడప్పుడు సినిమా తారలకు తన కంపెనీ బట్టలను బహుమతిగా పంపిస్తుంటుంది. సితారకు కూడా సమ్మర్ డ్రెస్సెస్ పంపించింది. ఆ విషయాన్ని ఇన్స్ టా లో పోస్ట్ చేసి థ్యాంక్స్ చెప్పింది సితార. ఈ మధ్య, జూనియర్ ఎన్టీఆర్ పిల్లలకు కూడా బహుమతులు పంపింది ఆలియా. ఆలియా భట్ ప్రస్తుతం రాఖీ ఔర్ రాణీ కీ ప్రేమ్ కహానీ అనే సినిమాతో ప్రేక్షకుల ముందు రాబోతుంది.