LOADING...
Squid Game: 'స్క్విడ్‌గేమ్‌' లో కీలక పాత్ర పోషించిన నటుడు ఓ యోంగ్ సు కి జైలు శిక్ష
'స్క్విడ్‌గేమ్‌' లో కీలక పాత్ర పోషించిన నటుడు ఓ యోంగ్ సు కి జైలు శిక్ష

Squid Game: 'స్క్విడ్‌గేమ్‌' లో కీలక పాత్ర పోషించిన నటుడు ఓ యోంగ్ సు కి జైలు శిక్ష

వ్రాసిన వారు Sirish Praharaju
Apr 04, 2025
02:38 pm

ఈ వార్తాకథనం ఏంటి

ప్రపంచవ్యాప్తంగా విశేషమైన ప్రజాదరణను పొందిన 'స్క్విడ్ గేమ్‌' (Squid Game)లో కీలక పాత్ర పోషించి గుర్తింపు పొందిన కొరియన్‌ నటుడు ఓ యోంగ్ సు (O Yeong Su), 80 ఏళ్ల వయస్సులోనూ అద్భుతమైన అభినయంతో అందరి ప్రశంసలు పొందారు. అయితే, ఇటీవల అతనిపై వేధింపుల కేసు నమోదవడం చాలామందిని ఆశ్చర్యానికి గురి చేసింది. తాజాగా ఈ కేసును విచారించిన న్యాయస్థానం, అతనికి జైలు శిక్షను విధించింది. స్థానిక మీడియా నివేదికల ప్రకారం,సినీ పరిశ్రమలో దాదాపు 50 సంవత్సరాలుగా కొనసాగుతున్న ఓ యోంగ్ సు,కొన్ని సంవత్సరాల క్రితం ఓ జూనియర్‌ ఆర్టిస్ట్‌ను వేధించినట్టు ఆరోపణలు వచ్చాయి.

వివరాలు 

 కోర్టును ఆశ్రయించిన బాధితురాలు

ఆమెను లైంగికంగా వేధించాడని బాధితురాలు కోర్టును ఆశ్రయించింది. ఈ ఘటన తర్వాత తనకు పని చేయాలన్న భయంతో జీవనం కష్టమైందని ఆమె తరఫు న్యాయవాది కోర్టుకు వివరించారు. యాక్టింగ్‌ ఆమె జీవనాధారం మాత్రమేనని పేర్కొన్నారు. కోర్టు విచారణలో ఓ యోంగ్ సు తన చర్యల్లో ఎలాంటి తప్పు లేదని చెప్పడం, పశ్చాత్తాపం వ్యక్తం చేయకుండా తనను తాను సమర్థించుకోవడం గమనార్హం. ఇరు పక్షాల వాదనలు, అందుబాటులో ఉన్న సాక్ష్యాధారాలను పరిశీలించిన న్యాయస్థానం, అతనికి ఏడాది జైలు శిక్ష విధిస్తూ తీర్పు వెలువరించింది.

Advertisement