బీజేపీ కోసం ప్రచారంలో పాల్గొంటానని చెప్పిన స్టార్ హీరో
ఈ వార్తాకథనం ఏంటి
కర్ణాటకలో ఎన్నికల నగారా మోగింది. అసెంబ్లీ ఎన్నికలు మరికొద్ది రోజుల్లో జరగనున్నాయి. ఈ నేపథ్యంలో పార్టీలన్నీ ప్రచారానికి సిద్ధమవుతున్నాయి.
కర్ణాటకలో ఏ పార్టీ అధికారంలోకి వస్తుందనేది అందరికీ ఆసక్తిగా ఉంది. తాజాగా కర్ణాటక ఎలక్షన్ల విషయంలో సాలిడ్ అప్డేట్ బయటకు వచ్చింది.
భారతీయ జనతా పార్టీ తరపున ప్రచారం చేయడానికి స్టార్ హీరో సుదీప్ వచ్చేస్తున్నాడు. ఈ మేరకు సుధీప్ స్వయంగా వెల్లడి చేసాడు. తాను ఏ పార్టీలో చేరట్లేదనీ, అలాగే ఎన్నికల్లో పోటీ చేయట్లేదని స్పష్టం చేస్తూ, బీజీపీ తరపున ప్రచారంలో పాల్గొంటానని మాత్రం అన్నాడు.
ఇదే సమయంలో తనకు వచ్చిన బెదిరింపు లేఖల గురించి మాట్లాడాడు సుదీప్.
సుదీప్
ఫిలిమ్ ఇండస్ట్రీ నుండి బెదిరింపు లేఖలు
కన్నడ స్టార్ హీరో సుదీప్ కు బెదిరింపు లేఖలు వచ్చాయి. తన ప్రైవేట్ వీడియోస్ బయటపెడతామంటూ అతనికి లేఖలు అందాయి. ఈ విషయమై మాట్లాడిన సుదీప్, ఆ లేఖలు ఎక్కడి నుండి వచ్చాయో తనకు తెలుసని అన్నాడు.
ఫిలిమ్ ఇండస్ట్రీ నుండి ఆ లేఖలు వచ్చాయని సుదీప్ తెలిపాడు. ఈ బెదిరింపు లేఖల విషయంలో బెంగళూరులో కేస్ ఫైల్ చేసాడు సుదీప్.
ఇదిలా ఉంటే, విక్రాంత్ రోనా తర్వాత సుదీప్ తన తర్వాతి చిత్రాన్ని ఇంకా ప్రకటించలేదు. విక్రాంత్ రోనాతో మంచి విజయం అందుకున్నాక, ఉపేంద్ర హీరోగా వచ్చిన కబ్జా మూవీలో అతిధి పాత్రలో కనిపించాడు సుజిత్.
తన నెక్స్ట్ సినిమా మరికొద్ది రోజుల్లో మొదలవుతుందని చెప్పాడు సుదీప్.