Jaat Movie Teaser: సన్నీ డియోల్ 'జాట్' టీజ‌ర్ రిలీజ్
ఈ వార్తాకథనం ఏంటి
గత ఏడాది 'గదర్ 2' సినిమాతో బ్లాక్ బస్టర్ హిట్ సాధించిన బాలీవుడ్ నటుడు సన్నీ డియోల్ ప్రస్తుతం వరుస ప్రాజెక్టులతో ముందుకు సాగుతున్న విషయం తెలిసిందే. ఇప్పటికే బోర్డర్ 2 సినిమాలో నటిస్తున్న ఈ స్టార్, తాజాగా తెలుగు దర్శకుడితో ఓ చిత్రానికి పనిచేస్తున్నాడు. జాట్ పేరుతో వస్తున్న ఈ చిత్రానికి క్రాక్, వీర సింహారెడ్డి చిత్రాల దర్శకుడు గోపీచంద్ మలినేని దర్శకత్వం వహిస్తున్నారు. చిత్రబృందం ఇప్పటికే ఫస్ట్ లుక్‌ను విడుదల చేయగా, ఇప్పుడు టీజర్‌ను కూడా రిలీజ్ చేసింది.
వివరాలు
బాలీవుడ్‌లోకి గోపీచంద్ మలినేని
టీజర్‌ను చూస్తే, సన్నీ డియోల్ పవర్‌ఫుల్ రోల్‌లో కనిపించబోతున్నట్లు స్పష్టమవుతుంది. ఈ చిత్రాన్ని మైత్రి మూవీ మేకర్స్, పీపుల్ మీడియా ఫ్యాక్టరీ సంయుక్తంగా నిర్మిస్తున్నారు. రణ్‌దీప్ హుడా ఈ చిత్రంలో విలన్ పాత్రలో నటిస్తుండగా, టాలీవుడ్ మ్యూజిక్ డైరెక్టర్ ఎస్ థమన్ సంగీతాన్ని అందిస్తున్నారు. రిషి పంజాబి సినిమాటోగ్రాఫర్‌గా, అవినాష్ కొల్ల ప్రొడక్షన్ డిజైనర్‌గా పనిచేస్తున్నారు. పూర్తి స్థాయి కమర్షియల్ ఎంటర్‌టైనర్‌గా రూపుదిద్దుకుంటున్న ఈ చిత్రంతో గోపీచంద్ మలినేని బాలీవుడ్‌లోకి అడుగుపెడుతుండటం ఇండస్ట్రీలో భారీ ఆసక్తిని రేకెత్తిస్తోంది.