అమెజాన్ ప్రైమ్: సుడల్ 2 సీజన్ పై క్లారిటీ; బలమైన కథను చెప్పేందుకు రెడీ
ఈ వార్తాకథనం ఏంటి
అమెజాన్ ప్రైమ్ వేదికగా విడుదలైన సుడల్ సీజన్, ప్రేక్షకులను బాగా ఆకట్టుకుంది. క్రైమ్ థ్రిల్లర్ గా తెరకెక్కిన ఈ సిరీస్ లో కథిర్, ఐశ్వర్యా రాజేష్, పార్తిబన్, శ్రియా రెడ్డి ప్రధాన పాత్రల్లో నటించారు.
ప్రస్తుతం ఈ సిరీస్ కు సీక్వెల్ తెరకెక్కుతోందని సమాచారం. సుడల్ సృష్టికర్తలైన పుష్కర్, గాయత్రి.. సుడల్ 2 సీజన్ పై వర్క్ చేస్తున్నారని తెలుస్తోంది.
సుడల్ మాదిరిగానే సుడల్ 2 కూడా బలమైన కథతో రూపొందనుందని అంటున్నారు. ఆల్రెడీ ప్రీ ప్రొడక్షన్ పనులు జరుగుతున్నాయని వినిపిస్తోంది.
సమాజంలో జరుగుతున్న అంశాలను తీసుకుని స్ట్రాంగ్ కథను తయారు చేసారట. స్క్రిప్ట్ రీసెర్చ్ కోసం ఐదారు నెలల సమయాన్ని రచయితలైన పుష్కర్, గాయత్రి వెచ్చించారట.
Details
సుడల్ మొదటి సీజన్ కథేంటంటే?
నంబలూరు అనే గ్రామంలో నీలా అనే అమ్మాయి తప్పిపోతుంది. ఆ మిస్సింగ్ కేసు విచారణలో పోలీస్ ఆఫీసర్ చక్రి (కథిర్) భాగమవుతాడు. ఇటు పక్క నీలా సోదరి (ఐశ్వరా రాజేష్) కూడా తన అక్క కోసం వెతుకుతూ ఉంటుంది.
ఈ క్రమంలో ఎలాంటి ఇబ్బందులు ఎదురయ్యాయి? వాటిని దాటుకుంటూ వెళ్ళిన పోలీస్ ఆఫీసర్, నీలా సోదరికి కలిగిన అనుభవాలేంటి అన్నదే సుడల్ కథ.
వాల్ వాచర్ ఫిలిమ్స్ బ్యానర్ లో రూపొందిన సుడల్ సిరీస్ ను బ్రహ్మ, అనుచరణ్ మురుగయాన్ తెరకెక్కించారు. తమిళంలో తెరకెక్కిన ఈ సిరీస్, తెలుగు, కన్నడ, మళయాలం, హిందీ భాషల్లోనూ అందుబాటులో ఉంది.