బ్లాక్ బస్టర్ తమిళ మూవీ దాదా తెలుగులోకి వచ్చేస్తుంది: టైటిల్ ఏంటంటే?
ఈ వార్తాకథనం ఏంటి
తమిళంలో సూపర్ హిట్ అందుకున్న దాదా మూవీ ఇప్పుడు తెలుగులోకి వచ్చేస్తుంది.
కెవిన్, అపర్ణ దాస్ హీరో హీరోయిన్లుగా రూపొందిన ఈ సినిమా, తమిళనాడులో బ్లాక్ బస్టర్ గా నిలిచింది.
అతి తక్కువ బడ్జెట్ లో రూపొందిన ఈ సినిమా, బాక్సాఫీసు వద్ద కళ్ళు చెదిరే వసుళ్ళను నమోదు చేసింది.
ప్రస్తుతం ఈ సినిమాను తెలుగు ప్రేక్షకుల కోసం తీసుకువస్తున్నారు. నిజానికి మొదటగా ఈ సినిమాను తెలుగులో రీమేక్ చేయాలని అనుకున్నారు. కానీ అనుకోని కారణాల వల్ల తెలుగులో డబ్బింగ్ చేస్తున్నారు.
తెలుగులో ఈ సినిమా టైటిల్ ని 'పా పా' గా ఫిక్స్ చేసారు.
Details
బాధ్యతలు లేని యువకుడి పాత్రలో కెవిన్
ఈ సినిమాలో బాధ్యతలు లేని యువకుడి పాత్రలో కెవిన్ కనిపిస్తారు. ఒంటరి నాన్నగా తన జీవితాన్ని ఎలా గడిపాడన్నది ఇందులో చూపించబోతున్నారు.
తమిళంలో సూపర్ హిట్ అందుకున్నాక అమెజాన్ ప్రైమ్ ద్వారా ఓటీటీలోనూ రిలీజైంది. అక్కడ కూడా సూపర్ రెస్పాన్స్ తెచ్చుకుంది. తెలుగులోనూ మంచి సక్సెస్ అందుకునే అవకాశం ఉందని భావిస్తున్నారు.
ఒలింపియా మూవీస్ బ్యానర్ లో రూపొందిన ఈ సినిమాను ఎమ్.ఎస్ రెడ్డి నిర్మించారు. గణేష్ కె బాబు దర్శకత్వంలో తెరకెక్కిన ఈ సినిమాలో మోనికా చిన్నకొట్ల, ఐశ్వర్య భాగ్యరాజ, కీలక పాత్రల్లో నటించారు.
అయితే ఈ సినిమా తెలుగు విడుదల ఎప్పుడు ఉండనుందనేది ఇంకా ప్రకటించలేదు.