Page Loader
హోమ్ / వార్తలు / సినిమా వార్తలు / Thandel: 'తండేల్' ప్రీ రిలీజ్ ఈవెంట్ తేదీని ప్రకటించిన చిత్ర బృందం.. పోస్ట్ వైరల్
సంక్షిప్తం చేయు
Thandel: 'తండేల్' ప్రీ రిలీజ్ ఈవెంట్ తేదీని ప్రకటించిన చిత్ర బృందం.. పోస్ట్ వైరల్
'తండేల్' ప్రీ రిలీజ్ ఈవెంట్ తేదీని ప్రకటించిన చిత్ర బృందం.. పోస్ట్ వైరల్

Thandel: 'తండేల్' ప్రీ రిలీజ్ ఈవెంట్ తేదీని ప్రకటించిన చిత్ర బృందం.. పోస్ట్ వైరల్

వ్రాసిన వారు Sirish Praharaju
Feb 01, 2025
02:50 pm
ఈ వార్తాకథనం ఏంటి

నాగ చైతన్య నటించిన తాజా చిత్రం 'తండేల్'. ఈ సినిమాకి సంబంధించి ఇప్పటివరకు విడుదలైన గ్లింప్స్, టీజర్ ప్రేక్షకుల్లో విపరీతమైన అంచనాలు పెంచేశాయి.

ముఖ్యంగా, 'లవ్ స్టోరి' వంటి బ్లాక్‌బస్టర్ హిట్ ఇచ్చిన కాంబినేషన్ మళ్లీ రిపీట్ కావడం సినిమాపై మరింత ఆసక్తిని రేకెత్తిస్తోంది.

ఈ చిత్రంలో నాగ చైతన్యకు జోడీగా సాయిపల్లవి నటించడంతో, ఆమె అభిమానులు, అక్కినేని అభిమానులు ఈ సినిమాను ఎంతగానో ఎదురుచూస్తున్నారు.

ఫిబ్రవరి 7న భారీ అంచనాల మధ్య థియేటర్లలో విడుదల కాబోతున్న ఈ సినిమా విడుదల తేదీ దగ్గర పడుతున్న కొద్దీ దాని హైప్ మరింత పెరుగుతోంది.

వివరాలు 

'తండేల్ జాతర'

ఈ నేపథ్యంలో, 'తండేల్' చిత్రబృందం తాజాగా టాలీవుడ్ ప్రేక్షకులను ఉత్సాహపరిచే అప్‌డేట్‌ను వెల్లడించింది.

ఈ సినిమా ప్రీ-రిలీజ్ ఈవెంట్‌ను భారీ ఎత్తున ప్లాన్ చేసిన మేకర్స్, దీనికి ముఖ్య అతిథిగా ఐకానిక్ స్టార్ అల్లు అర్జున్ హాజరవుతారని అధికారికంగా ప్రకటించారు.

మేకర్స్ ఈ ప్రీ-రిలీజ్ ఈవెంట్‌ను 'తండేల్ జాతర'గా పిలుస్తూ, ఈ కార్యక్రమం కోసం అనుమతి పొందారు.

ఈ గ్రాండ్ ఈవెంట్‌ను అన్నపూర్ణ స్టూడియోలో 7 ఎకరాల ప్రాంగణంలో ఏర్పాటు చేస్తున్నారు.

ఇక సంధ్య థియేటర్‌లో జరిగిన తొక్కిసలాట ఘటన తర్వాత, బన్నీ పాల్గొంటున్న మొదటి పబ్లిక్ ఈవెంట్ ఇదే కావడంతో ఈ వేడుకపై మరింత ఆసక్తి నెలకొంది.

వివరాలు 

ఈ సారి గురి తప్పే ప్రశ్నే లేదు!

అయితే, ఈ ఈవెంట్ ఫిబ్రవరి 1న జరగాల్సి ఉండగా, అనివార్య కారణాల వల్ల ఫిబ్రవరి 2కు వాయిదా వేశారు.

ఈ మార్పును అధికారికంగా ప్రకటించిన మూవీ టీం, ఈ ఈవెంట్ మరపురాని అనుభూతులను అందిస్తుందని, అత్యంత వైభవంగా జరపనున్నట్లు పేర్కొంది.

"ఈ సారి గురి తప్పే ప్రశ్నే లేదు!" అంటూ పోస్టులో పేర్కొనడం ద్వారా వేడుకకు సంబంధించిన అంచనాలను మరింత పెంచారు.

ట్విట్టర్ పోస్ట్ చేయండి

నిర్మాణ సంస్థ చేసిన ట్వీట్