Tasty Teja: యాక్టర్‌గా టేస్టీ తేజ.. థియేటర్లలోకి రానున్న '6 జర్నీ'!
ఈ వార్తాకథనం ఏంటి
బిగ్‌బాస్ తెలుగు సీజన్ 7, 8లలో ఆకట్టుకున్న టేస్టీ తేజ ఇప్పుడు యాక్టర్‌గా తన ప్రయాణాన్ని ప్రారంభించనున్నాడు. తొలిసారిగా ఫుల్ లెంగ్త్ రోల్‌లో నటించిన సినిమా '6 జర్నీ' ద్వారా టాలీవుడ్‌లో అడుగుపెడుతున్నాడు. బసీర్ ఆలూరి దర్శకత్వం వహించిన ఈ సినిమాలో టేస్టీ తేజతో పాటు రవిప్రకాశ్ రెడ్డి, సమీర్ దత్త, పల్లవి, రమ్యారెడ్డి కీలక పాత్రల్లో కనిపించనున్నారు. పాల్యం రవిప్రకాశ్ రెడ్డి ఈ చిత్రాన్ని నిర్మించారు. సినిమా ఏప్రిల్ 25న థియేటర్లలో విడుదల కానుంది. ఇటీవల విడుదలైన ట్రైలర్ సినిమాపై ఆసక్తిని పెంచింది.
Details
గోవా ట్రిప్.. ప్రమాదకర మలుపు!
కథలో ఆరుగురు స్నేహితులు గోవా ట్రిప్‌కు బయలుదేరతారు. అయితే వారి ప్రయాణంలో అనూహ్య సంఘటనలు చోటుచేసుకుంటాయి. వారి ప్రాణాలను ఎవరైనా హరించాలనుకుంటున్నారా? వారికి ప్రమాదం నుంచి కాపాడినది ఎవరు? శ్రీరాముడి చరిత్రతో అనుసంధానమై కథ మలుపులు తిరుగుతుంది. ట్రైలర్ ఆధారంగా ఈ సినిమా ప్రేమ, యాక్షన్, మిస్టరీ అంశాలతో పాటు శ్రీరాముడి గొప్పతనాన్ని వినూత్నంగా చర్చిస్తుంది. టేస్టీ తేజ ఎనర్జీ ప్లస్ పాయింట్! దర్శకుడు బసీర్ మాట్లాడుతూ ఈ చిత్రంలో హీరో సమీర్‌తో పాటు రవిప్రకాశ్ పాత్రలు భిన్నంగా ఉంటాయి. టేస్టీ తేజ ఎనర్జీ, కామెడీ టైమింగ్ సినిమాకు ప్రధాన ఆకర్షణగా నిలుస్తాయి. మ్యూజిక్ డైరెక్టర్ సింహా అద్భుతమైన పాటలు అందించారు. సినిమా ప్రేక్షకులను తప్పకుండా అలరిస్తుందని అన్నారు.
Details
హీరోగా నమ్మకంతో ముందుకెళ్తున్న టేస్టీ తేజ
టేస్టీ తేజ మాట్లాడుతూ ఫస్ట్ టైమ్ ఫుల్ లెంగ్త్ రోల్ చేస్తున్న సినిమా ఇది. దర్శకుడు బసీర్ నాకు గొప్ప నమ్మకం ఇచ్చారు. ఈ ప్రయాణం నాకు నటుడిగా మంచి గుర్తింపు తెచ్చిపెడుతుందనే ఆశతో ఉన్నాను. ఈ చిన్న కాన్సెప్ట్ ఓరియెంటెడ్ సినిమాను ప్రేక్షకులు ఆదరిస్తారనే విశ్వాసం ఉందన్నారు.
Details
బిగ్‌బాస్ సీజన్ 7, 8లో గుర్తింపు
టేస్టీ తేజ బిగ్‌బాస్ తెలుగు సీజన్ 7లో తొమ్మిదో వారం హౌస్ నుంచి ఎలిమినేట్ అయ్యాడు. అనంతరం సీజన్ 8లో వైల్డ్ కార్డ్ ద్వారా మళ్లీ ఎంట్రీ ఇచ్చి టాప్ టెన్ కంటెస్టెంట్స్‌లో చోటు సంపాదించాడు. చివరికి 90వ రోజు బిగ్‌బాస్ హౌస్ నుంచి బయటకి వచ్చాడు. '6 జర్నీ' సినిమా ద్వారా టేస్టీ తేజ కొత్త అవతారాన్ని అందుకుంటున్నాడు. మాస్, క్లాస్ ప్రేక్షకుల అభిరుచులకు తగ్గట్టుగా అన్ని ఎలిమెంట్లు ఉన్న ఈ సినిమా ఏప్రిల్ 25న ప్రేక్షకుల ముందుకు రానుంది.