జాతీయస్థాయి క్రీడా పోటీల్లో పాల్గొని సినిమాల్లోకి వచ్చి స్టార్లుగా మారిన హీరోలు, హీరోయిన్లు, దర్శకులు
ఈ వార్తాకథనం ఏంటి
సాధారణంగా క్రీడా నేపథ్యం నుండి వచ్చి వెండితెర మీద మెరిసిన వారు తక్కువ మంది ఉంటారు. ఆటలో సత్తా చాటుతూనే తెలుగు సినిమాలకు పరిచయమైన వారి గురించి ఇప్పుడు తెలుసుకుందాం.
నాగశౌర్య:
స్కూల్ రోజుల్లో టెన్నిస్ బాగా ఆడేవాడు నాగశౌర్య. జాతీయ స్థాయి పోటీల్లోనూ పాల్గొన్నాడు. హీరో అయ్యాక క్రీడా నేపథ్యమున్న సినిమాలో కనిపించాలని లక్ష్య మూవీలో విలువిద్యకారుడిగా కనిపించాడు.
అవసరాల శ్రీనివాస్:
రాకెట్ బాల్ అంటే ఎంతో ఇష్టపడే ఈ దర్శకుడు,నటుడు భారతదేశ రాకెట్ బాల్ అసోసియేషన్ బోర్డ్ ఆఫ్ డైరెక్టర్లలో ఒకడు. అమెరికాలో ఉన్నప్పుడు ఈ ఆటపై ఆసక్తి పెంచుకున్నాడు. 2014లో ఆసియా ఛాంపియన్ షిప్ లో పాల్గొన్నాడు.
Details
బ్యాడ్మింటన్ లో స్టేట్ ఛాంపియన్ అయిన హీరో
సుధీర్ బాబు:
సుధీర్ బాబుకు బ్యాడ్మింటన్ అంటే చాలా ఇష్టం. బ్యాడ్మింటన్ ఆటగాడు ప్రకాష్ పదుకునే అకాడమీలో పుల్లెల గోపీచంద్ తో కలిసి శిక్షణ తీసుకున్నాడు. జూనియర్ విభాగంలో ఆంధ్రప్రదేశ్ (సమైక్య) స్టేట్ ఛాంపియన్ గా నిలిచాడు.
రితికా సింగ్:
నిజ జీవితంలో బాక్సర్ అయిన ఈ భామ, తన తొలి సినిమా గురు లో బాక్సర్ గా కనిపించింది. తమిళం, హిందీ, తెలుగులో రూపొందిన ఈ సినిమా మంచి విజయం సాధించింది.
రకుల్ ప్రీత్ సింగ్:
చిన్నప్పటి నుండి గోల్ఫ్ ఆడుతూ, జాతీయ స్థాయిలో పోటీల్లో పాల్గొంది. హీరోయిన్ గా మారిన తర్వాత వీలు చిక్కినప్పుడల్లా గోల్ఫ్ తప్పకుండా ఆడుతుంది.