ముదురుతున్న కశ్మీర్ ఫైల్స్ వివాదం: ప్రకాష్ రాజ్ వ్యాఖ్యలపై మండిపడ్డ వివేక్ అగ్నిహోత్రి
ఈ వార్తాకథనం ఏంటి
ది కశ్మీర్ ఫైల్స్ సినిమాకు, నటుడు ప్రకాష్ రాజ్ కు మధ్య వివాదం ఇంకా నడుస్తూనే ఉంది. అప్పుడెప్పుడో సినిమా విడుదలైనప్పుడు మొదలైన వివాదం సంవత్సరం అవుతున్నా కూడా ఇంకా తగ్గడం లేదు.
కశ్మీర్ ఫైల్స్ సినిమాను చెత్త సినిమా అనీ, దానికి భాస్కర్ అవార్డు కూడా రాదనీ, ఇంటర్నేషనల్ జ్యూరీ, ఆ సినిమాపై ఉమ్మేసిందనీ రకరకాల వ్యాఖ్యానాలు చేసాడు ప్రకాష్ రాజ్.
దాంతో ది కశ్మీర్ ఫైల్స్ సినిమా దర్శకుడు వివేక్ రంజన్ అగ్నిహోత్రి, ప్రకాష్ రాజ్ పై తీవ్రంగా మండిపడ్డాడు. ఆయన ప్రకాష్ రాజ్ కాదనీ, అంధకార్ రాజ్ అనీ, అర్బన్ నక్సల్ అనీ అన్నారు.
అంతేకాదు భాస్కర్ అవార్డుల గురించి కూడా ప్రకాష్ రాజ్ ను విమర్శించారు వివేక్.
ది కశ్మీర్ ఫైల్స్
నువ్వుండగా భాస్కర్ అవార్డు నాకెలా వస్తుందన్న దర్శకుడు వివేక్
భాస్కర్ అవార్డులు తనకు రావనీ, అవన్నీ ప్రకాష్ రాజ్ కు వస్తుండగా తనకు ఎలా వస్తాయనీ అన్నారు. కొందరికీ ది కశ్మీర్ ఫైల్స్ సినిమా అంటే ఎందుకింత ద్వేషమో అర్థం కావట్లేదనీ, సినిమా గడిచి సంవత్సరం గడుస్తున్నా కూడా వారికి ఆ ద్వేషం తగ్గట్లేదనీ అన్నారు.
పట్టణంలో ఉన్న నక్సలైట్ అంటూ ప్రకాష్ రాజ్ పై తీవ్రంగా విరుచుకుపడ్డారు కశ్మీర్ ఫైల్స్ డైరెక్టర్ వివేక్ అగ్నిహోత్రి.
ఇలా ఒకరినొకరు తీవ్రంగా విమర్శించుకోవడంతో సోషల్ మీడియాలో విపరీతమైన కామెంట్లు వస్తున్నాయి. కొందరేమో వివేక్ ని సపోర్ట్ చేస్తుంటే మరికొందరేమో ప్రకాష్ రాజ్ కు మద్దతు తెలుపుతున్నారు.
ది కశ్మీర్ ఫైల్స్ సినిమాలో అనుపమ్ ఖేర్, మిథున్ చక్రవర్తి, పల్లవి జోషి ప్రధాన పాత్రల్లో కనిపించారు.