థమన్ పై మళ్ళీ ట్రోలింగ్: ఈసారి స్కంద సాంగ్ కాపీ అంటూ విమర్శలు
ఈ వార్తాకథనం ఏంటి
టాలీవుడ్ లో టాప్ మ్యూజిక్ డైరెక్టర్ గా కొనసాగుతున్న థమన్ పై ట్రోలింగ్ సర్వ సాధారణంగా మారిపోయింది. చేతినిండా సినిమాలతో బిజీగా ఉన్న థమన్ పై తాజాగా స్కంద సాంగ్ విషయంలో ట్రోలింగ్ జరుగుతోంది.
రామ్ పోతినేని హీరోగా బోయపాటి శ్రీను దర్శకత్వంలో తెరకెక్కుతున్న స్కంద సినిమా నుండి నీ చుట్టు చుట్టూ అనే పాట విడుదలైంది.
శ్రీలీల, రామ్ పోతినేని ఖతర్నాక్ స్టెప్పులతో పాట మోత మోగిస్తోంది.
అయితే ఈ పాటను థమన్ కాపీ చేసాడంటూ ట్రోల్ చేస్తున్నారు. జూనియర్ ఎన్టీఆర్ నటించిన జై లవకుశ సినిమాలోని 'ట్రింగ్ ట్రింగ్' అనే పాట మాదిరిగా స్కంద పాట వినిపిస్తోందని అంటున్నారు.
Details
ట్రోలింగ్ ని లైట్ తీసుకుంటున్న థమన్
పాటలను కాపీ చేసాడంటూ థమన్ పై ట్రోలింగ్ కొత్తేమీ కాదు. థమన్ మ్యూజిక్ డైరెక్షన్ లో ఏ పాట రిలీజైనా కాపీ అంటూ ట్రోలింగ్ జరుగుతూనే ఉంటుంది.
ఈ విషయమై ఒకానొక ఇంటర్వ్యూలో థమన్ స్పందించారు కూడా. ఈ ట్రోలింగ్స్ ని మొదట్లో చాలా సీరియస్ గా తీసుకున్నారట. ఆ తర్వాత అంత సీరియస్ గా తీసుకోవట్లేదని థమన్ అన్నారు.
అదలా ఉంచితే, థమన్ చేతిలో ప్రస్తుతం మహేష్ బాబు గుంటూరు కారం, పవన్ కళ్యాణ్, సుజీత్ కాంబోలో తెరకెక్కుతున్న ఓజీ, బాలయ్య అనిల్ రావిపూడి కాంబోలోని భగవంత్ కేసరి ఉన్నాయి.