అన్ స్టాపబుల్ మూడవ సీజన్: మొదటి ఎపిసోడ్ కి డేట్ లాక్ చేసి ఆహా టీమ్
బాలకృష్ణ హోస్టుగా అన్ స్టాపబుల్ మూడవ సీజన్ ప్రారంభం కాబోతున్న సంగతి అందరికీ తెలిసిందే. మూడవ సీజన్లో మొదటి ఎపిసోడ్ లో భాగంగా భగవంత్ కేసరి టీం అతిథులుగా వచ్చేస్తున్నారు. అయితే తాజాగా మొదటి ఎపిసోడ్ ప్రసారమయ్యే డేట్ ని లాక్ చేశారు. అక్టోబర్ 17వ తేదీన అన్ స్టాపబుల్ మూడవ సీజన్ మొదటి ఎపిసోడ్ ప్రసారం కానుందని ఆహా టీం అధికారికంగా ప్రకటించింది. మొదటి ఎపిసోడ్ లో భగవంత్ కేసరి సినిమా నుండి దర్శకుడు అనిల్ రావిపూడి, హీరోయిన్లు కాజల్ అగర్వాల్. శ్రీలీల. విలన్ గా నటించిన అర్జున్ రాంపాల్ కనిపించబోతున్నారు. బాలయ్య స్టైల్ లో ఈ ఎపిసోడ్ పూర్తి ఎంటర్ టైనర్ గా ఉండబోతుందని సమాచారం.
అక్టోబర్ 19న విడుదలవుతున్న భగవంత్ కేసరి
భగవంత్ కేసరి సినిమా విడుదలకు రెండు రోజుల ముందుగా అన్ స్టాపబుల్ మూడవ సీజన్ లో భగవంత్ కేసరి టీం సందడి చేయనుంది. భగవంత్ కేసరి సినిమాపై అభిమానుల్లో భారీ అంచనాలు ఉన్నాయి. ట్రైలర్ కు మంచి స్పందన రావడంతో భగవత్ కేసరి టీం కూడా చాలా కాన్ఫిడెంట్ గా ఉన్నారు. షైన్ స్క్రీన్ బ్యానర్లో రూపొందిన ఈ చిత్రాన్ని అనిల్ రావిపూడి డైరెక్ట్ చేశారు. తమన్ సంగీతం అందించిన ఈ సినిమా దసరా కానుక అక్టోబర్ 19వ తేదీన ప్రపంచవ్యాప్తంగా విడుదల అవుతుంది.
