ఏప్రిల్ చివర్లో ఓటీటీలో సందడి చేయనున్న సిరీస్ లు
ఈ వార్తాకథనం ఏంటి
ఈ నెలాఖరులో ఓటీటీలో ఇంట్రెస్టింగ్ సిరీస్ లు వస్తున్నాయి. బలగం సినిమాతో ప్రేక్షకులను అలరించిన ప్రియదర్శి నటిస్తున్న సేవ్ ద టైగర్స్, కేరాఫ్ కంచరపాలెం, నారప్ప సినిమాలతో గుర్తింపు తెచ్చుకున్న కార్తీక్ రత్నం నటిస్తున్న వ్యవస్థ సిరీస్ లు రాబోతున్నాయి. వీటి విశేషాలేమిటో చూద్దాం. సేవ్ ద టైగర్స్: భార్యా భర్తల మధ్య వచ్చే చిన్న చిన్న ఇబ్బందులను, ఇగో సమస్యలను కామెడీగా చూపించేందుకు ఏప్రిల్ 27వ తేదీన డిస్నీ ప్లస్ హాట్ స్టార్ లో వచ్చేస్తోంది సేవ్ ద టైగర్స్ వెబ్ సిరీస్. ప్రియదర్శి, అభినవ్ గొమఠం, చైతన్య ప్రసాద్ ముఖ్య పాత్రల్లో కనిపిస్తున్నారు. వీళ్ళకు జోడీలుగా బిగ్ బాస్ సుజాత, పావని గంగిరెడ్డి, దేవియాని కనిపిస్తున్నారు.
Details
హెబ్బా పటేల్ హీరోయిన్ గా వ్యవస్థ
సేవ్ ద టైగర్స్ వెబ్ సిరీస్ ను తేజ కాకుమాను డైరెక్ట్ చేసారు. మహీ వి రాఘవ, ప్రదీప్ అద్వైతం ఈ సిరీస్ కథను రాసారు. ఆల్రెడీ రిలీజైన ట్రైలర్ కు ప్రేక్షకుల నుండి మంచి స్పందన వచ్చింది. వందశాతం నవ్వులు పంచే సిరీస్ గా మిగిలిపోతుందని ఆశిస్తున్నారు. వ్యవస్థ: సమాజంలో జరుగుతున్న అవినీతిని ప్రశ్నిస్తూ, న్యాయవ్యవస్థలోని లోపాలను ఎత్తి చూపే చిత్రంగా వస్తోంది వ్యవస్థ. ఇందులో కార్తీక్ రత్నం, కామ్నా జఠ్మలానీ, హెబ్బా పటేల్, సంపత్ రాజ్, నటిస్తున్నారు. జీ5 ఓటీటీ ఛానెల్ లో ఏప్రిల్ 28వ తేదీ నుండి అందుబాటులో ఉంటున్న ఈ సిరీస్ ని ఆనంద్ రంగా డైరెక్ట్ చేసారు.