వీరసింహారెడ్డి సెన్సార్ రిపోర్ట్: యాక్షన్ తో మేళవించిన ఎమోషన్
ఈ వార్తాకథనం ఏంటి
సంక్రాంతి సందర్భంగా వీరసింహారెడ్డి సినిమాతో ప్రేక్షకుల ముందుకు వస్తున్నాడు బాలకృష్ణ. సినిమా రిలీజ్ కి మరో రెండు రోజులే టైమ్ ఉంది. ప్రస్తుతం ఈ సినిమాకు సెన్సార్ సర్టిఫికెట్ వచ్చింది.
యు/ఏ అనే సర్టిఫికెట్ వచ్చింది. పెద్దల సమక్షంలో 12సంవత్సరాల పైబడిన వారందరూ చూడవచ్చు అని సెన్సార్ బోర్డ్ సర్టిఫికేట్ జారీ చేసింది. ఐతే ఈ సినిమా ఎలా ఉందనే విషయమై సెన్సార్ బోర్డ్ టాక్ గురించి సోషల్ మీడియాలో వార్తలు వస్తున్నాయి.
ట్రైలర్ చూస్తే సినిమాలో యాక్షన్ పాళ్ళు ఎన్ని ఉన్నాయో ఎమోషనల్ సీన్స్ కూడా అన్ని ఉన్నట్టు కనిపించింది. ప్రస్తుతం బయటకు వచ్చిన సెన్సార్ టాక్ లో కూడా ఇదే ఉంది.
సినిమాలో స్పెషల్ అట్రాక్షన్స్ చాలా ఉన్నాయని టాక్.
వీరసింహారెడ్డి
ప్రత్యేక ఆకర్షణగా యాక్షన్ సీన్స్
బాలకృష్ణ, వరలక్ష్మీ శరత్ కుమార్ ల మధ్య వచ్చే సీన్లు ఇంట్రెస్టింగ్ గా ఉన్నాయని సమాచారం. థమన్ అందించిన నేపథ్య సంగీతం మరో ఆకర్షణగా ఉంటుందని అంటున్నారు.
సోషల్ మీడియాలో వస్తున్న ఈ వార్తలన్నీ నిజమా కాదా తెలియాలంటే సినిమా రిలీజ్ అయ్యేవరకు ఆగాల్సిందే. కాకపోతే ప్రస్తుతం ఈ సినిమా మీద పాజిటివ్ బజ్ ఉంది.
అఖండ సినిమాతో ఫామ్ లోకి వచ్చిన బాలయ్య, ఈ సినిమాతోనూ అదే ఫామ్ ని కొనసాగిస్తారని అభిమానులు అనుకుంటున్నారు.
గోపీచంద్ మలినేని దర్శకత్వం వహించిన ఈ సినిమాను మైత్రీ మూవీ మేకర్స్ బ్యానర్ లో నవీన్ యేర్నేని, రవిశంకర్ నిర్మించారు. థమన్ సంగీతం అందించారు. బాలయ్య సరసన హీరోయిన్ గా శృతి హాసన్ నటిస్తోంది.