MSVG: 'మన శంకర వర ప్రసాద్ గారు' ప్రీ రిలీజ్ వేడుకలో.. అనిల్ రావిపూడితో కలిసి స్టేజ్పై డ్యాన్స్ చేసిన వెంకీ
ఈ వార్తాకథనం ఏంటి
చిరంజీవి హీరోగా,విక్టరీ వెంకటేష్ ముఖ్య అతిథిగా నటిస్తున్న సినిమా'మన శంకర వర ప్రసాద్ గారు'. సంక్రాంతి సందర్భంగా జనవరి 12న ప్రేక్షకుల ముందుకు రాబోతున్న ఈ చిత్రానికి సంబంధించి ప్రీ-రిలీజ్ ఈవెంట్ నిన్న రాత్రి ఘనంగా జరగింది. ఈవేడుకలో వెంకటేశ్ తనదైన ఎనర్జీ,గ్రేస్తో అభిమానులను ఉర్రూతలూగించారు. దర్శకుడు అనిల్ రావిపూడితో కలిసి ఆయన వేసిన స్టెప్పుల తాలూకు వీడియో ఇప్పుడు నెట్టింట వైరల్ అవుతోంది. ఈవెంట్లో,దర్శకుడు అనిల్ రావిపూడి సరదాగా డ్యాన్స్ చేయడం ప్రారంభించగానే,వెంకీమామ వెంటనే ఆయనతో జత కట్టారు. తన మార్క్ హావభావాలతో,స్టైల్తో వెంకీ వేసిన స్టెప్పులకు అభిమానులు,ప్రేక్షకుల నుంచి భారీ స్పందన వచ్చింది. ఫ్యామిలీ హీరోగా పేరొందిన వెంకటేశ్ ఇలాంటి ఎనర్జిటిక్ డ్యాన్స్ చూడటంతో ఫ్యాన్స్ ఫుల్ ఖుషీ అయ్యారు.
వివరాలు
సంక్రాంతికి రానున్న సినిమాపై మరింత పెరిగిన అంచనాలు
ఈ సందర్భంగా చిరంజీవి కూడా తన సీట్లో నుంచే హుషారుగా హుక్ స్టెప్ వేయడం అందరినీ ఆకట్టుకుంది. విక్టరీ వెంకటేశ్ మాట్లాడుతూ,"అనిల్ రావిపూడితో కలిసి పని చేయడం చాలా సంతోషంగా ఉంది.'మన శంకర వర ప్రసాద్ గారు' ప్రతి కుటుంబ ప్రేక్షకుడితో దగ్గరగా కనెక్ట్ అవుతుంది. చాలా రోజుల తర్వాత మనం పూర్తిస్థాయి కుటుంబ వినోద చిత్రంతో ప్రేక్షకుల ముందుకు వస్తున్నాం" అని పేర్కొన్నారు. తన పాత్ర ప్రత్యేకమైనదని, ప్రేక్షకులు తప్పకుండా ఎంజాయ్ చేస్తారని ఆయన విశ్వాసం వ్యక్తం చేశారు. దర్శకుడు అనిల్ రావిపూడి రూపొందించిన ఈ ఫ్యామిలీ ఎంటర్టైనర్పై ఇప్పటికే మంచి అంచనాలు నెలకొన్నాయి. ప్రీ-రిలీజ్ ఈవెంట్లో వెంకటేశ్ డ్యాన్స్, చిత్రబృందం సందడి తో సినిమా పట్ల హైప్ మరింత పెరిగింది.
ట్విట్టర్ పోస్ట్ చేయండి
వెంకటేశ్ స్టెప్పులు చూసి హుషారుగా హుక్ స్టెప్ వేసిన చిరంజీవి
Cutest video today@VenkyMama sirr and @KChiruTweets sir ❤️❤️❤️@AnilRavipudi 🤗 pic.twitter.com/BVinjlHu3R
— Vijay Deverakonda (@TheDeverakonda) January 7, 2026