అప్పుడు ది కాశ్మీర్ ఫైల్స్, ఇప్పుడు ది వ్యాక్సిన్ వార్: వివేక్ రంజన్ కొత్త సినిమా టీజర్ చూసారా?
ఈ వార్తాకథనం ఏంటి
భారతీయ సినిమా బాక్సాఫీసు వద్ద ది కాశ్మీర్ ఫైల్స్ సినిమా సృష్టించిన వసూళ్ళ సునామీ అంతా ఇంతా కాదు. తక్కువ బడ్జెట్ తో రూపొందిన ఈ సినిమా, వందల కోట్ల వసూళ్ళతో థియేటర్లను షేక్ చేసింది.
అయితే ప్రస్తుతం ది కాశ్మీర్ ఫైల్స్ సినిమా దర్శకుడు వివేక్ రంజన్ అగ్నిహోత్రి నుండి మరో కొత్త సినిమా వస్తోంది. ది వ్యాక్సిన్ వార్ పేరుతో రూపొందుతున్న ఈ సినిమా నుండి చిన్నపాటి టీజర్ విడుదలైంది.
ది వ్యాక్సిన్ వార్ సినిమా విడుదల తేదీని ప్రకటిస్తూ రిలీజ్ చేసిన టీజర్ లో హాస్పిటల్ లో జరుగుతున్న ఒకానొక సన్నివేశాన్ని చూపించారు.
Details
సెప్టెంబర్ 28న విడుదల కానున్న ది వ్యాక్సిన్ వార్
కరోనా సమయంలో వ్యాక్సిన్ కనిపెట్టడం కోసం జరిగిన ప్రయత్నాలను ఇందులో చూపించనున్నారని టీజర్ చూస్తే అనిపిస్తోంది.
టీజర్ చాలా ఇంట్రెస్టింగ్ గా అనిపిస్తోంది. ది కాశ్మీర్ ఫైల్స్ చిత్రంలో నటించిన అనుపమ్ ఖేర్ ఈ సినిమాలో నటించనున్నారు. అలాగే నానా పాటేకర్, పల్లవి జోషి, దివ్య సేథ్, సప్తమి గౌడ కీలక పాత్రలో కనిపించనున్నారు.
ది కాశ్మీర్ ఫైల్స్ నిర్మాతల్లో ఒకరైన అభిషేక్ అగర్వాల్ ఆర్ట్స్, ఈ సినిమా నిర్మాణంలోనూ పాలు పంచుకున్నారు. హిందీతో పాటు దాదాపు పదికి పైగా భాషల్లో విడుదలకు సిద్ధమవుతున్న ఈ సినిమా, సెప్టెంబర్ 28వ తేదీన రిలీజ్ అవుతుంది.
ట్విట్టర్ పోస్ట్ చేయండి
విడుదల తేదీని ప్రకటిస్తూ దర్శకుడి ట్వీట్
DATE ANNOUNCEMENT:
— Vivek Ranjan Agnihotri (@vivekagnihotri) August 15, 2023
Dear friends, your film #TheVaccineWar #ATrueStory will release worldwide on the auspicious day of 28th September 2023.
Please bless us. pic.twitter.com/qThKxTjPiw