ఈ వారం ఓటీటీలో విడుదలవుతున్న సినిమాల లిస్టు
ఓటీటీ ఫ్లాట్ ఫామ్ రోజు రోజుకూ పెరుగుతూనే ఉంది. ఇప్పటివరకు ఎన్నో ఛానెల్స్ పుట్టుకొచ్చాయి. అన్నింట్లోనూ కొత్త కంటెంట్ ఉంటోంది. అలా అని అన్నింటినీ చూడలేము. ఈ వారంతంలో ఇంట్లో కూర్చుని ఏం సినిమా చూద్దామా అని మీరు ఆలోచిస్తున్నారా? మీరక్కడే ఆగిపోండి. ఈ వారం రిలీజైన మంచి సినిమాల లిస్టును మీ ముందుంచుతున్నాం. ఇరట్ట: మళయాలం లో రూపొందిన ఈ సినిమాకు విమర్శకుల ప్రశంసలు దక్కాయి. థ్రిల్లర్ గా తెరకెక్కిన ఈ సినిమాలో జోజు జార్జ్ ప్రధాన పాత్రలో కనిపిస్తారు. నెట్ ఫ్లిక్స్ లో స్ట్రీమింగ్ అవుతోంది. ఎలోన్: మోహన్ లాల్ ప్రధాన పాత్రలో కనిపించే ఈ చిత్రం, డిస్నీ ప్లస్ హాట్ స్టార్ లో స్ట్రీమింగ్ అవుతోంది.
ఓటీటీలో రిలీజవుతున్న సినిమాలు
వసంత ముల్లై: వాల్తేరు వీరయ్య సినిమాలో ప్రకాష్ రాజ్ తమ్ముడిగా నటించిన బాబీ సింహా, ప్రధాన పాత్రలో కనిపించిన ఈ యాక్షన్ డ్రామా చిత్రం, అమెజాన్ ప్రైమ్ వీడియో స్ట్రీమింగ్ అవుతోంది. ఇందులో హీరోయిన్ గా కాశ్మీరా నటించింది. గుల్ మోహర్: బాలీవుడ్ నటుడు మనోజ్ బాజ్ పాయ్ నటించిన ఫ్యామిలీ డ్రామా గుల్ మోహర్, డిస్నీ ప్లస్ హాట్ స్టార్ లో చూడడానికి అందుబాటులో ఉంది. ది లెజెండ్: ఈ వీకెండ్ హ్యాపీగా టైమ్ పాస్ కావాలంటే ది లెజెండ్ మూవీ చూడండి. లెజెండ్ శరవణన్ నటించిన ఈ చిత్రం, ఈరోజు నుండి డిస్నీ ప్లస్ హాట్ స్టార్ లో దొరుకుతుంది. ఊర్వశి రౌతెలా, లక్ష్మీ రాయ్ ఇతర పాత్రల్లో కనిపిస్తారు.
