ఆస్కార్ కంటే ముందుగానే అమెరికా వెళ్ళిన రామ్ చరణ్, కారణమేంటంటే,
ఈ వార్తాకథనం ఏంటి
మెగా పవర్ స్టార్ పవర్ స్టార్ రామ్ చరణ్, ప్రస్తుతం అమెరికా పయనమయ్యారు. ఆస్కార్స్ అవార్డుల ప్రధానోత్సవానికి ఇంకా చాలా సమయం ఉండగా ఇప్పుడు ఎందుకు వెళ్ళారని అందరూ ఆలోచిస్తున్నారు.
దానికి సమాధానం దొరికేసింది. ఫిబ్రవరి 24వ తేదీన జరగనున్న ఆరవ హాలీవుడ్ క్రిటిక్స్ అసొసియేషన్ అవార్డుల ప్రధానోత్సవానికి రామ్ చరణ్ హాజరవుతున్నారని సమాచారం.
ఈ అవార్డులకు నాలుగు విభాగాల్లో ఆర్ఆర్ఆర్ నామినేట్ అయ్యింది. బెస్ట్ యాక్షన్ ఫిలిమ్, బెస్ట్ ఇంటర్నేషన్ ఫిలిమ్, బెస్ట్ డైరెక్టర్, బెస్ట్ మూవీ విభాగాల్లో ఆర్ఆర్ఆర్ నామినేషన్లు పొందింది.
లాస్ ఏంజిల్స్ లోని బేవెర్లీ విల్ షైర్ ఫోర్ సీజన్ హోటల్ లో ఈ అవార్డు ప్రదానోత్సవం జరగనుంది.
ఆర్ఆర్ఆర్
BAFTA 2023 లో ఆర్ఆర్ఆర్ కు దక్కని నామినేషన్
అంతర్జాతీయ స్థాయిలో అవార్డుల పంట పండిస్తున్న ఆర్ఆర్ఆర్ మూవీకి, బాఫ్తాలో నామినేషన్ దక్కలేదు. BAFTA 2023(బ్రిటీష్ అకాడమీ ఆఫ్ ఫిలిమ్ అండ్ టెలివిజన్ ఆర్ట్ 2023) అవార్డుల్లో ఆర్ఆర్ఆర్ కు నామినేషన్ దక్కకపోవడం అందరినీ ఆశ్చర్యానికి గురి చేసింది.
ఈ నేపథ్యంలో BAFTA మీద చాలామంది నెటిజన్లు నెగెటివ్ గా కామెంట్లు చేసారు. మరికొందరేమో, ఆర్ఆర్ఆర్ లో బ్రిటీష్ వారి మీద సీన్లు ఉన్నందువల్లే నామినేషన్లు ఇవ్వలేదేమోనని అన్నారు.
ఇదిలా ఉంటే, ఆస్కార్ అవార్డుల కోసం ఆర్ఆర్ఆర్ టీమ్ రెడీ అవుతోంది. ఉత్తమ పాట విభాగంలో నాటునాటు పాట నామినేట్ అయిన సంగతి తెలిసిండే. ఆస్కార్ అవార్డుల ప్రధానోత్సవం, లాస్ ఏంజిల్స్ లోని బేవ్రీహిల్స్ లో మార్చ్ 13వ తేదీన ఉదయం ఉండనుంది.