కేజేఎఫ్ 3: రాకీభాయ్ గా కొత్త హీరో, షాక్ ఇచ్చిన ప్రొడ్యూసర్?
కన్నడ సినిమా ఇండస్ట్రీ నుండి కేజీఎఫ్ లాంటి సినిమా వస్తుందని ఎవ్వరూ ఊహించలేదు. 2018లో విడుదలైన ఈ సినిమా, బాక్సాఫీసు వద్ద రికార్డ్ స్థాయి వసూళ్ళను సాధించింది. దాంతో కేజీఎఫ్ 2 ఛాప్టర్ మీద అంచనాలు ఆకాశాన్ని అందుకున్నాయి. ఆ అంచనాలను నిజం చేస్తూ 2022లో కేజీఎఫ్ సెకండ్ ఛాప్టర్ రికార్డుల ఊచకోత కోసింది. 1200కోట్ల వసూళ్ళు అందుకుంది. ప్రస్తుతం అందరూ కేజీఎఫ్ ఛాప్టర్ 3 కోసం ఎదురుచూస్తున్నారు. ఈ విషయమై తాజాగా ఓ అప్డేట్ బయటకు వచ్చింది. జనవరి 8వ తేదీ ఆదివారం హీరో యశ్ పుట్టినరోజు సందర్భంగా యశ్ కి జన్మదిన శుభాకాంక్షలు తెలియజేస్తూ కేజీఎఫ్ కొనసాగింపు ఛాప్టర్ లలో కొత్త హీరో కనిపిస్తాడన్నట్టుగా హింట్ ఇచ్చారు కేజీఎఫ్ నిర్మాత.
జేమ్స్ బాండ్ లాగా కేజీఎఫ్ సిరీస్
సోషల్ మీడీయాలో చక్కర్లు కొడుతున్న వార్తల ప్రకారం, కేజీఎఫ్ 3 ఛాప్టర్, 2025లో మొదలవుతుందట. దర్శకుడు ప్రశాంత్ నీల్ బిజీగా ఉన్నందువల్ల ఇప్పట్లో కేజీఎఫ్ కొనసాగింపు పనులేమీ జరగట్లేదని సమాచారం. కేజీఎఫ్ ని కూడా జేమ్స్ బాండ్ సిరీస్ లాగా తీర్చిదిద్దాలని ప్లాన్ చేస్తున్నారట. 5వ సిరీస్ వరకు హీరోగా యష్ ఉండే అవకాశం ఉందని, ఆ తర్వాత వచ్చే సిరీస్ లలో కొత్త హీరో కనిపిస్తాడని నిర్మాత విజయ్ చెప్పినట్లు వార్తలు వస్తున్నాయి ఏది ఏమైనా సినిమా అభిమానులు కేజిఎఫ్ ఛాప్టర్ 3 కోసం ఎదురుచూస్తున్నారన్నది నిజం. మరి ఆ సినిమా ఎప్పుడు వస్తుందో చూడాలి. ప్రస్తుతం ప్రశాంత్ నీల్, ప్రభాస్ సినిమా సలార్ పనుల్లో ఉన్నాడు.
జేమ్స్ బాండ్ లాగా కేజీఎఫ్ సిరీస్
#KGFChapter2 was a Gargantuan one, waiting for another Monster soon. To the man who shaped up the dream and took it beyond. Wishing you a very happy rocking birthday our Rocking Star @TheNameIsYash.
— Hombale Films (@hombalefilms) January 8, 2023
Have a rocking one and a phenomenal year ahead!#HBDRockingStarYash #HombaleFilms pic.twitter.com/A5ZR3FWcvH
