దేశంలో కొత్తగా 2,109 కరోనా కేసులు; 21,406కి తగ్గిన యాక్టివ్ కేసులు
దేశంలో కరోనా కొత్త కేసులు 2,109 నమోదైనట్లు బుధవారం కేంద్ర ఆరోగ్య మంత్రిత్వ శాఖ తెలిపింది. తాజా కేసులతో దేశంలో యాక్టివ్ కేసులు 21,406కి చేరుకున్నాయి. అయితే యాక్టివ్ కేసులు మంగళవారంతో పోలిస్తే బుధవారం తగ్గాయి. దేశంలో మొత్తం కోవిడ్ కేసులు 4.49 కోట్లు (4,49,74,909)కు చేరుకున్నాయి. మొత్తం కేసుల్లో యాక్టివ్ కేసులు 0.05 శాతంగా ఉన్నాయి. కరోనాతో తాజాగా 8మంది మరణించారు. తాజా మరణాలతో దేశంలో మొత్తం మృతుల సంఖ్య 5,31,722కి చేరుకుంది. జాతీయ కోవిడ్-19 రికవరీ రేటు 98.77 శాతంగా నమోదైందని మంత్రిత్వ శాఖ తెలిపింది. కరోనా నుంచి కోలుకున్న వారి సంఖ్య 4,44,21,781కి పెరిగింది. మరణాల రేటు 1.18 శాతంగా ఉంది.
