ఘోర రోడ్డు ప్రమాదం.. 8మంది అయ్యప్ప భక్తులు మృతి
ఈ వార్తాకథనం ఏంటి
తమిళనాడులోని తేని జిల్లాలో ఘోర రోడ్డు ప్రమాదం జరిగింది. ఈ ప్రమాదంలో 8మంది అయ్యప్ప భక్తులు మృత్యువాత పడ్డారు. స్వాములు ప్రయాణిస్తున్న వాహనం దాదాపు 40 అడుగుల లోయలోకి దూసుకెళ్లడంతో ఈ ప్రమాదం జరిగింది. ఈ ఘటనలో మరో ఇద్దరు గాయపడ్డారు.
తమిళనాడులోని అండిపట్టి సమీపంలోని సన్ముగసుందరపురం గ్రామానికి చెందిన పది మంది అయ్యప్ప భక్తులు.. శబరిమల దర్శనం చేసుకుని ఇంటికి తిరుగు ప్రయాణం అయ్యారు. ఈ క్రమంలో శుక్రవారం అర్థరాత్రి వారి కారు ప్రమాదానికి గురైంది.
తమిళనాడు
డ్రైవర్ నిద్రమత్తులో..!
తేని జిల్లాలోని కుములి పర్వత మార్గంలో ఈ ప్రమాదం జరిగింది. విషయం తెలిసిన వెంటనే తేని జిల్లా కలెక్టర్ కెవి మురళీధరన్ సంఘటనా స్థలానికి చేరుకొని సహాయక చర్యలను ముమ్మరం చేశారు.
ఏడుగురు ఘటనా స్థలంలోనే మృతి చెందగా.. ఒకరు మాత్రం ఆస్పత్రికి తీసుకెళ్తుండగా మరణించినట్లు కలెక్టర్ చెప్పారు. మరో ఇద్దరిని రక్షించినట్లు వెల్లడించారు. రక్షించిన వారిలో 9ఏళ్ల బాలుడు ఉన్నట్లు పేర్కొన్నారు.
కుములి పర్వత మార్గంలో మూలమలుపులు ఎక్కవగా ఉంటాయి. ఈ క్రమంలో డ్రైవర్ నిద్రమత్తలో నియంత్రణ కోల్పోవడం వల్ల.. వాహనం అదుపు తప్పి ప్రమాదం జరిగిన ఉండొచ్చని పోలీసులు భావిస్తున్నారు.