మణిపూర్‌లో మహిళ దారుణ హత్య; 9మంది అరెస్టు
మణిపూర్‌లోని ఇంఫాల్ తూర్పు జిల్లాలోని సావోంబంగ్ ప్రాంతంలో ఓ మహిళ దారుణ హత్యకు గురైంది. ఈ కేసులో ఐదుగురు మహిళలతో సహా మొత్తం తొమ్మిది మందిని అరెస్టు చేసినట్లు పోలీసులు తెలిపారు. 50ఏళ్ల మధ్య వయస్సు గల మారింగ్ అనే మహిళను శనివారం ఆమె నివాసంలో తుపాకీతో కాల్చి చంపారు. ఆ మహిళ చనిపోయిన తర్వాత ఆమె ముఖాన్ని దుండగులు వికృతంగా చేసినట్లు పోలీసులు వెల్లడించారు. ఆమె నాగ సామాజిక వర్గానికి చెందినదని చెప్పారు. మృతదేహాన్ని ఆదివారం స్వాధీనం చేసుకున్న వెంటనే, పోలీసులు దర్యాప్తు ప్రారంభించారు. హంతకులను పట్టుకోవడానికి స్థానికుల నుంచి వాంగ్మూలాలను సేకరించారు. ఈ కేసు విచారణలో భాగంగా ఐదు రౌండ్ల మందుగుండు సామాగ్రి, రెండు ఆయుధాలు, కారును స్వాధీనం చేసుకున్నారు.
