Abhijeet Dipke: జాతీయ నిరసనకు ముందు ఆసుపత్రిలో అభిజీత్ దీప్కే.. ఐవీ డ్రిప్ ఫొటో వైరల్
ఈ వార్తాకథనం ఏంటి
దేశవ్యాప్త నిరసనలకు ముందు కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే తన ఆరోగ్య పరిస్థితికి సంబంధించిన ఫొటోను సోషల్ మీడియా వేదిక ఎక్స్లో పంచుకున్నారు. చేతికి ఐవీ డ్రిప్ అమర్చిన ఫొటోతో పాటు "Charging up" అనే క్యాప్షన్ను జత చేశారు. జంతర్ మంతర్ వద్ద జరుగుతున్న ఆందోళనలో పాల్గొంటున్న సమయంలో ఆరోగ్య సమస్యల కారణంగా కొద్దిసేపు అక్కడి నుంచి వెళ్లాల్సి వచ్చినట్లు సమాచారం. గురువారం తనకు జ్వరం, ఒళ్లునొప్పి ఉన్నప్పటికీ నొప్పి నివారణ మందులు వేసుకుని నిరసనలో కొనసాగుతున్నానని ఆయన మద్దతుదారులకు తెలిపారు.
ట్విట్టర్ పోస్ట్ చేయండి
అభిజీత్ దీప్కేచేసిన ట్వీట్
Charging up pic.twitter.com/NRStDDiRcv
— Abhijeet Dipke (@abhijeet_dipke) July 23, 2026
వివరాలు
మంత్రి ప్రధాన్కు వ్యతిరేకంగా దేశవ్యాప్త నిరసనకు CJP పిలుపు
ఇదిలా ఉండగా, NEET-UG 2026 ప్రశ్నపత్రం లీక్ వ్యవహారంలో కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలని డిమాండ్ చేస్తూ సీజేపీ శుక్రవారం దేశవ్యాప్తంగా శాంతియుత నిరసనలకు పిలుపునిచ్చింది.
"ప్రతి జిల్లా.. ఒక రోజు.. ఒకే డిమాండ్" అనే నినాదంతో పోలీసుల చర్యలకు గురైన విద్యార్థులకు సంఘీభావంగా నిలవాలని పార్టీ పిలుపు ఇచ్చింది.
స్థానిక నిర్వాహకులు విద్యార్థి సంఘాలు, ఇతర సంస్థలతో కలిసి సమన్వయం చేసుకుని అవసరమైన అనుమతులు తీసుకోవాలని సూచించింది.
అలాగే ప్రజల సమక్షంలో విద్యార్థుల డిమాండ్లను బహిరంగంగా చదివి వినిపించాలని పేర్కొంది.
వివరాలు
ఈ రోజు కేంద్ర మంత్రులతో సమావేశం కానున్న CJP
మరోవైపు, కేంద్ర ప్రభుత్వం తటస్థ వేదికపై చర్చలకు అంగీకరించడంతో సీజేపీ ప్రతినిధులు శుక్రవారం మధ్యాహ్నం 12:30 గంటలకు న్యూఢిల్లీలోని కాన్స్టిట్యూషన్ క్లబ్ ఆఫ్ ఇండియాలో కేంద్ర మంత్రులతో సమావేశం కానున్నారు.
ఈ సమావేశానికి ముందు సీజేపీ నేత అశుతోష్ రాంకా మాట్లాడుతూ, ధర్మేంద్ర ప్రధాన్ రాజీనామా చేసే వరకు తమ ఆందోళన కొనసాగుతుందని స్పష్టం చేశారు.