Aircraft Crashes: తూప్రాన్ సమీపంలో కూలిన శిక్షణ విమానం.. ఇద్దరు మృతి
మెదక్ జిల్లా తూప్రాన్ సమీపంలో శిక్షణ విమానం కుప్పకూలింది. సాంకేతిక లోపం కారణంగానే ఈ విమానం కూలినట్లు తెలుస్తోంది. తుఫ్రాన్ మున్సిపాలిటీ పరిధిలోని రావెల్లి శివారులో ఈ శిక్షణ విమానం కూలిపోయింది. కూలిపోయిన శిక్షణ విమానం దుండిగల్ ఎయిర్ పోర్టు‌కు చెందినదిగా గుర్తించారు. ఈ ప్రమాదంలో విమానం పూర్తిగా కాలిపోయింది. దీంతో అందులో ఉన్న పైలట్, ట్రైనీ పైలెట్ మృతి చెందారు. హైదరాబాద్ నుంచి ఉదయమే బయలుదేరిన విమానం.. కొద్దిసేపటికే కూలిపోయింది. వెంటనే విమానంలో మంటలు చెలరేగాయి. ఈ క్రమంలో విమానం కూలిన సమయంలో భారీ శబ్దం రావడంతో స్థానికులు పోలీసులకు సమాచారం ఇచ్చారు. ఈ ప్రమాదంలో ఇద్దరు చనిపోయినట్లు పోలీసులు చెబుతున్నారు.
