Breaking: ఆంధ్రప్రదేశ్ లో కుల గణన వాయిదా
ఈ వార్తాకథనం ఏంటి
ఆంధ్రప్రదేశ్ రాష్ట్రంలో కుల గణనపై ప్రభుత్వం ఆదేశాలు జారీ చేసి ఒక రోజైన పూర్తి కాకముందే వాయిదా పడింది.
జగన్ ప్రభుత్వం కుల గణనకు సంబంధించి ఈనెల 27 నుంచి ప్రారంభించేందుకు కసరత్తులను పూర్తి చేసింది. సర్వేను డిసెంబర్ 3 నాటికి పూర్తి చేయాలని గ్రామ, వార్డు సచివాలయాలకుఆదేశాలు కూడా ఇచ్చింది.
కానీ,ఇప్పుడు ఈ నిర్ణయం వాయిదా వేస్తూ తాజాగా ఆదేశాలు జారీ చేసింది.
ఈ నేపథ్యంలో మంత్రి చెల్లుబోయిన వేణుగోపాల్ మాట్లాడుతూ.. కులగణనపై నాలుగు ప్రాంతాల్లో రౌండు టేబుల్‌ సమావేశాలు పెడుతున్నందున వాయిదా వేసినట్లు తెలిపారు.
డిసెంబర్ 10 నుంచి కుల గణన చేస్తామన్న ఆయన క్రింది స్థాయి నుండి అందరి సూచనలు తెలుసుకుంటున్నందుకు కులగణన మరో 10రోజులు ఆలస్యం అవుతుందన్నారు.
Details
ప్రక్రియ ప్రారంభం నుంచి చివరి వరకు అదే మొబైల్ వాడాలని సూచనలు
సర్వేలో వాలంటీర్లు,గ్రామ,వార్డు సచివాలయాల సిబ్బంది ఇంటింటికీ వెళ్లి 20కిపైగా అంశాలపై సమాచారం తీసుకోనున్నారు.
కుల గణన సర్వే వివరాల నమోదుకు వాలంటీర్ల సెల్ ఫోన్లలో ప్రత్యేక యాప్'ను సైతం రూపొందించారు.
సర్వేలో భాగంగా చిరునామా, కుటుంబీకుల సంఖ్య, వివాహం జరిగిందా, కులం, ఉపకులం, మతం, విద్యార్హత, రేషన్‌ కార్డు నెంబర్‌, నివాస స్థల విస్తీర్ణం, ఇంటి రకం, పశువుల సంఖ్య, వ్యవసాయ భూమి విస్తీర్ణం, మరుగుదొడ్డి రకం, వంట గ్యాస్‌, తాగునీటి సదుపాయం తదితర అంశాలపై సమాచారం సేకరించనున్నారు.
ఇదే సమయంలో సర్వే ప్రక్రియ ప్రారంభం నాటి నుంచి ముగింపు వరకు వాలంటీర్లు ఒకే మొబైల్ వినియోగించాలనే సూచనలున్నాయి.