అమృత్‌సర్‌లోని గోల్డెన్ టెంపుల్ దగ్గర మరో పేలుడు; వారం రోజుల్లో మూడో బ్లాస్ట్
ఈ వార్తాకథనం ఏంటి
అమృత్‌సర్‌లోని గోల్డెన్ టెంపుల్ సమీపంలో గురువారం తెల్లవారుజామున మరో పేలుడు సంభవించింది.
ఈ ఘటనలో ఐదుగురిని అరెస్టు చేసినట్లు ప్రభుత్వ వర్గాలు తెలిపాయి. వారం రోజుల వ్వవధిలో ఇది మూడో పేలుడు ఘటన కావడం గమనార్హం.
అర్ధరాత్రి 12.30 గంటలకు పేలుడు సంభవించినట్లు అధికార వర్గాలు తెలిపాయి. అరెస్టయిన ఐదుగురు నిందితులు పేలుడుకు పథకం రచించినట్లు పంజాబ్ పోలీసులు వెల్లడించారు.
ఈ ప్రాంతంలో శాంతిభద్రతలకు విఘాతం కలిగించడమే ఈ పేలుడు వెనుక ఉద్దేశమని వారు తెలిపారు.
పేలుడు జరిగిన సమయంలో ఇద్దరు పురుషులు, ఒక మహిళ సమీపంలోని గదిలో ఉన్నారని కూడా పోలీసులు పేర్కొన్నారు.
పంజాబ్
పొటాషియం క్లోరేట్‌ పేలుడు పదార్థం వినియోగం
గోల్డెన్ టెంపుల్ సమీపంలో గురువారం నాటి పేలుడు కోసం క్రాకర్‌లో పొటాషియం క్లోరేట్‌ను ఉపయోగించినట్లు పంజాబ్ పోలీసులు వెల్లడించారు.
పంజాబ్ పోలీసులు కూడా ఈ ఘటనపై గురువారం మధ్యహ్నం మీడియాకు వివరించనున్నారు.
అంతకుముందు, మే 6, మే 8 తేదీలలో వరుసగా గోల్డెన్ టెంపుల్ సమీపంలోని హెరిటేజ్ స్ట్రీట్‌లో రెండు పేలుళ్లు సంభవించాయి.
దీంతో స్థానికులు భయాందోళనలకు గురయ్యారు. రెండో పేలుడు జరిగిన ప్రదేశాన్ని జాతీయ దర్యాప్తు సంస్థ (ఎన్‌ఐఏ) బృందం కూడా సందర్శించి పరిశీలించింది.
మొదటి పేలుడులో ఒక వ్యక్తి గాయపడ్డారు. ఈ ఘటనలో కొన్ని భవనాల అద్దాలు దెబ్బతిన్నాయి.