Summer Holidays: ఆంధ్రప్రదేశ్ విద్యార్థులకు శుభవార్త - ఈసారి వేసవి సెలవులు ఎక్కువే!
ఈ వార్తాకథనం ఏంటి
ఆంధ్రప్రదేశ్ రాష్ట్రంలోని పాఠశాల విద్యార్థులకు వేసవి సెలవుల సందర్భంగా గుడ్ న్యూస్ వచ్చింది. ఈ ఏడాది మొత్తం 48 రోజుల పాటు వేసవి సెలవులు ఉంటాయన్న అధికారిక ప్రకటన వెలువడింది. ఏప్రిల్ 24వ తేదీ నుంచి జూన్ 11వ తేదీ వరకు అన్ని పాఠశాలలు సెలవుల్లోకి వెళ్తాయి. అనంతరం పాఠశాలలు జూన్ 12న తిరిగి ప్రారంభం కానున్నాయి. అంటే, వచ్చే బుధవారం రోజుతో ఈ విద్యా సంవత్సరానికి తుది పనిదినంగా పరిగణించవచ్చు.
వివరాలు
వేసవి సెలవుల్లో పిల్లల సమయాన్ని ఉపయోగకరంగా మార్చండి
వేసవి సెలవులు పిల్లలు పూర్తిగా విశ్రాంతితో గడపడానికి మంచి అవకాశం.అయితే ఈ సమయాన్ని కేవలం ఆటలకే కాకుండా,జ్ఞానాన్ని పెంపొందించుకునే దిశగా కూడా వినియోగించాలి. తల్లిదండ్రులు ఈ సమయంలో తమ పిల్లల కోసం ఒక మంచి దినచర్య రూపొందించడం చాలా అవసరం. పిల్లలలో చదువుపట్ల ఆసక్తిని పెంచేందుకు కథలు,బాల పత్రికలు,కార్టూన్ పుస్తకాలు వంటి విద్యాభ్యాస సహాయక పాఠ్యాంశాలను చదివించాలి. సమీపంలోని గ్రంథాలయాలను సందర్శించేందుకు తీసుకెళ్లాలి.కొత్త పదాలను తెలుసుకోవడం, కథలు రాయడం వంటి సృజనాత్మక కార్యక్రమాల్లో పిల్లలను పాల్గొనించేలా ప్రోత్సహించాలి. అలాగే, చిత్రలేఖనం,మట్టి బొమ్మలు తయారీ, క్రాఫ్ట్ వర్క్ వంటి కళాత్మక అంశాలను నేర్పించవచ్చు. ఇక ముందుచూపుతో పాటు సమయస్ఫూర్తిని పెంపొందించే పజిల్స్, సుడోకు, చెస్ లాంటి గేమ్స్‌ ద్వారా పిల్లల బుద్ధిమత్తా అభివృద్ధి చెందుతుంది.