Bandi Sanjay: బండి సంజయ్‌కు షాకిచ్చిన తెలంగాణ హైకోర్టు
కరీంనగర్ ఎంపీ, బీజేపీ నేత బండి సంజయ్‌పై తెలంగాణ రాష్ట్ర హైకోర్టు మంగళవారం ఆగ్రహం వ్యక్తం చేసింది. బీఆర్‌ఎస్‌ నేత, ఎమ్మెల్యే గంగుల కమలాకర్ ఎన్నిక వివాదంపై హైకోర్టులో విచారణ సందర్భంగా బండి సంజయ్ పలుమార్లు క్రాస్ ఎగ్జామినేషన్‌కు గైర్హాజరయ్యారు. తాజాగా ఆయన మరో గడువు కోరడంతో హైకోర్టు అసహనం వ్యక్తం చేసింది. ప్రస్తుతం అమెరికాలో ఉన్నందున మరో గడువు ఇవ్వాలని బండి సంజయ్ తరపు న్యాయవాది హైకోర్టును అభ్యర్థించారు. ఎన్నికల పిటిషన్లపై ఆరు నెలల్లోగా తీర్పు వెలువడాల్సి ఉన్నందున విచారణ పూర్తి చేస్తామని హైకోర్టు స్పష్టం చేసింది.
సెప్టెంబర్ 20న తదుపరి విచారణ
గంగుల కమలాకర్ ఎన్నిక చెల్లదంటూ గత జూలై 21 నుంచి మూడుసార్లు బండి సంజయ్ హైకోర్టును కోర్టును ఆశ్రయించారు. సెప్టెంబర్ 12న అమెరికా నుంచి వచ్చిన తర్వాత బండి సంజయ్ హాజరవుతారని లాయర్ తెలిపారు. దీంతో, క్రాస్ ఎగ్జామినేషన్‌కు హాజరుకాని సంజయ్‌కు సైనిక సంక్షేమ నిధికి రూ.50 వేలు చెల్లించాలని హైకోర్టు ఆదేశించింది. అలాగే తదుపరి విచారణను తెలంగాణ హైకోర్టు సెప్టెంబర్ 20కి వాయిదా వేసింది. అయితే తదిపరి క్రాస్ ఎగ్జామినేషన్‌కు అయినా బండి సంజయ్ విచారణకు హాజరు అవుతారా? లేదా? అన్నది వేచి చూడాల్సి ఉంది.
