Tomato virus: మధ్యప్రదేశ్‌లో టమాటా వైరస్ కలకలం.. 12 సంవత్సరాల లోపు పిల్లలలో వ్యాప్తి
ఈ వార్తాకథనం ఏంటి
మధ్యప్రదేశ్‌లో "టమోటా వైరస్" (Tomato virus) కలకలం సృష్టిస్తోంది. ముఖ్యంగా భోపాల్ నగరంలోని పాఠశాలల్లో ఈ వ్యాధి చిన్నారులలో వేగంగా వ్యాప్తి చెందుతున్నది. ఈ వైరస్‌కి గురైన పిల్లల చేతులు, కాళ్లు, అరికాళ్లు, మెడ పక్కన ప్రాంతం, నోటిలో ఎర్రటి రేగులు ఏర్పడతాయి. ఆ రేగులు తర్వాత చిన్న బొబ్బలుగా మారుతాయి. చిన్నారులు ఈ సమయంలో బాధ, మంట, నొప్పి అనుభవించటం తో పాటు జ్వరం, గొంతునొప్పి వంటి లక్షణాలు కూడా గమనిస్తారు. ఇది వ్యక్తి నుండి వ్యక్తికి సులభంగా వ్యాప్తి చెందే రోగం కావడం వల్ల, అందుకే ఈ లక్షణాలతో బాధపడేవారిని ఇంటివద్దే ఉంచాలని పాఠశాల యాజమాన్యాలు తల్లిదండ్రులను అప్రమత్తం చేస్తున్నాయి
వివరాలు
ఈ చిన్నారులలో HFMD ఎక్కువగా తారుమారు
వైద్య నిపుణులు దీన్ని "హ్యాండ్, ఫుట్, మౌత్ డిసీజ్" (HFMD) అని పిలుస్తారు. ఈ వ్యాధి ప్రధానంగా ఎచినోకాకస్ (Echovirus) కాక్స్‌సాకీ వైరస్ (Coxsackie virus) కారణంగా వ్యాప్తి చెందుతుంది. ఆరు నెలల నుండి 12 ఏళ్ల వయసు గల చిన్నారులలో HFMD ఎక్కువగా తారుమారు అవుతుంది అని వైద్యులు వెల్లడించారు. అయితే ఇది సాధారణంగా తీవ్ర రోగం కాకపోవడం వల్ల ఎక్కువ ఆందోళన కలిగించనిది. సాధారణంగా, ఈ వ్యాధి ఒక వారం నుంచి పది రోజుల్లో స్వయంగా తగ్గిపోతుంది.
వివరాలు
HFMD వ్యాప్తికి ప్రధాన కారణం..
HFMD వ్యాప్తికి ప్రధాన కారణం పరిశుభ్రత పాటించకపోవడం, చేతులను సరైన విధంగా కడకకపోవడం. అలాగే మల విసర్జన తర్వాత శరీరాన్ని శుభ్రం చేయకపోవడం కూడా దీని ప్రధాన కారణాలలో ఒకటి. ఇది సోకినవారు దగ్గినప్పుడు, తుమ్మినప్పుడు వెలువడే తుంపర్లతోనూ ఒకరి నుంచి మరొకరికి అంటుకుంటుంది. అలాగే, లాలాజలంలా శరీర స్రావాల ద్వారా కూడా ఇది వ్యాప్తి చెందుతుంది. వైరస్‌కి సోకిన తర్వాత 3 నుండి 6 రోజుల్లోనే లక్షణాలు బయటకు వస్తాయి. దీనికి ప్రత్యేకమైన చికిత్స ఏదీ లేదు. గుండె, ఊపిరితిత్తులు లేదా ఇతర జన్యుపరమైన సమస్యలున్న చిన్నారుల విషయంలో వైద్యులు అత్యంత జాగ్రత్తగా చికిత్సను అందిస్తారు.