Ramesh Bidhuri: అతిషి తల్లిదండ్రులు టెర్రరిస్టుకు మద్దతు ఇచ్చారంటూ బీజేపీ నేత సంచలన వ్యాఖ్యలు
ఈ వార్తాకథనం ఏంటి
దిల్లీ అసెంబ్లీ ఎన్నికలు సమీపించుకుంటున్న తరుణంలో, అధికార ఆమ్ ఆద్మీ పార్టీ, విపక్ష బిజేపీ మధ్య మాటల యుద్ధం మళ్లీ వేడెక్కింది.
ఈ సందర్భంలో బిజేపీ నేత రమేష్ బిదూరి మరోసారి వివాదాస్పద వ్యాఖ్యలు చేశారు.
ఈసారి ఆయన దిల్లీ ముఖ్యమంత్రి అతిషి మార్లెనాని టార్గెట్‌ చేస్తూ, ఆమె తల్లిదండ్రులు పార్లమెంట్‌పై దాడి చేసిన టెర్రరిస్టు అఫ్జల్‌ గురుకు మద్దతు ఇచ్చారని ఆరోపణలు గుప్పించారు.
అతిషి తల్లిదండ్రుల వైఖరిని భారత్‌ వ్యతిరేకంగా సూచిస్తూ, అఫ్జల్‌ గురును కాపాడేందుకు వారు ప్రయత్నించారని తెలిపారు.
ఇక, దిల్లీ అసెంబ్లీ ఎన్నికల్లో కల్కాజీ అసెంబ్లీ నియోజకవర్గం నుండి బిజేపీ తరఫున రమేష్ బిదూరి, ముఖ్యమంత్రి అతిషి మార్లేనాతో పోటీ పడనున్నారు.
Details
ఫిబ్రవరి 8న ఫలితాలు
ఫిబ్రవరి 5వ తేదీన ఢిల్లీ ఎన్నికలు జరుగనుండగా, 8వ తేదీన తుది ఫలితాలు వెలువడనున్నాయి.
ఈ క్రమంలో రమేష్ బిదూరి వరుసగా ముఖ్యమంత్రి అతిషి మీద వివాదాస్పద వ్యాఖ్యలు చేస్తూనే ఉన్నారు.
ఇటీవల, అతిషి తన తండ్రిని మార్చి మర్లెనా అనే పేరు నుంచి 'అతిషి సింగ్'గా నామకరణం చేసుకున్నారని ఆరోపించారు.
మరోసారి దిల్లీ వీధుల్లో అతిషి జింకలా పరుగులు పెడుతోందని కూడా ఆయన వ్యాఖ్యానించారు. అలాగే దిల్లీ బిజేపీ సీఎం అభ్యర్థిగా రమేష్ బిదూరి అని జోరుగా ప్రచారం జరుగుతోంది.