BJP first List: ఫిబ్రవరి 29న 100మందితో బీజేపీ తొలి జాబితా విడుదల
ఈ వార్తాకథనం ఏంటి
BJP first List For Lok Sabha Polls: 2024 లోక్‌సభ ఎన్నికలకు సంబంధించిన అభ్యర్థుల తొలి జాబితాను బీజేపీ (BJP) ఫిబ్రవరి 29న విడుదల చేసే అవకాశాలు ఉన్నాయి.
తొలి జాబితాలోనే ప్రధాని మోదీ, అమిత్ షా వంటి ప్రముఖ నేతల లోక్‌సభ స్థానాలను ప్రకటించనున్నారు.
బీజేపీ కేంద్ర ఎన్నికల కమిటీ సమావేశం ఫిబ్రవరి 29న జరగనుంది. ఈ భేటీ అనంతరం బీజేపీ అభ్యర్థుల తొలి జాబితా ప్రకటించనున్నట్లు విశ్వసనీయ వర్గాల సమాచారం.
మొదటి జాబితాలో ఎక్కువ శాతం 2019లోక్‌సభ ఎన్నికల్లో పార్టీ ఓడిపోయిన స్థానాల్లో అభ్యర్థులను ప్రకటిస్తారని బీజేపీ వర్గాలు చెబుతున్నాయి.
దీంతో పాటు మోదీ, అమిత్ షా వంటి ముఖ్యుల పేర్లు కూడా ఈ జాబితాలో ఉండనున్నాయి.
బీజేపీ
400 సీట్లలో గెలుపే లక్ష్యంగా..
భారతీయ జనతా పార్టీ తొలి జాబితాలో 100 మంది అభ్యర్థుల పేర్లను ప్రకటించవచ్చని పార్టీ వర్గాల సమాచారం.
తొలి జాబితాను జనవరిలోనే ప్రకటించాలని బీజేపీ భావించింది. కానీ కొన్ని కారణాల వల్ల వాయిదా వేసింది.
ఈ క్రమంలో ఇప్పటికే ఆలస్యమైందనుకున్న తొలి జాబితాను ఈ నెల 29న ప్రకటించాలని పార్టీ అధిష్టానం నిర్ణయించినట్లు సమాచారం.
ఈ ఎన్నికల్లో మిత్రపక్షాలతో కలిసి 400కు పైగా సీట్లు గెలుచుకోవాలని బీజేపీ లక్ష్యంగా పెట్టుకుంది.
ఈ నెల 29న బీజేపీ ప్రధాన కార్యాలయంలో సమావేశం సందర్భంగా బలహీన స్థానాల్లో విజయం సాధించేందుకు ప్రత్యేక వ్యూహాన్ని ఖరారు చేసే అవకాశం ఉంది.