తెలంగాణ అసెంబ్లీ ఎన్నికల కోసం కమిటీలను ఏర్పాటు చేయనున్న బీజేపీ
ఈ వార్తాకథనం ఏంటి
ఈ ఏడాది చివరలో తెలంగాణ అసెంబ్లీకి ఎన్నికలు జరగనున్నాయి. ఈ ఎన్నికల్లో విజయం సాధించాలని కమల దళం వ్యుహాత్మకంగా అడుగులు వేస్తుంది.
ఈ నేపథ్యంలో తెలంగాణ అసెంబ్లీ ఎన్నికలను పురస్కరించుకొని పలు కమిటీల నియామకం కోసం తెలంగాణ బీజేపీ నేతలు కసరత్తులు చేస్తున్నారు.
ఈ మేరకు శుక్రవారం హైదరాబాద్ లోని బీజేపీ కార్యాలయంలో ఆ పార్టీ ముఖ్య నేతలు సమావేశమయ్యారు. ఎన్నికల మేనిఫెస్టో కమిటీ, చార్జీషీట్ కమిటీ, ఎన్నికల సభల నిర్వహణ కమిటీ, ఎన్నికల మేనేజ్ మెంట్ వంటి కమిటీలను సూమారుగా 20 నియమించాల్సి ఉంది.
ఇందులో ఎవరెవరని నియమించాలనే దానిపై బీజేపీ అగ్రనాయకులు కసరత్తులు చేస్తున్నారు.
Details
ఈనెల 17న హైదరాబాద్ లో భారీ సభను ఏర్పాటు చేయనున్న బీజేపీ
ఈనెల 17న హైదరాబాద్ లో భారీ సభను ఏర్పాటు చేయాలని బీజేపీ భావిస్తోంది.
ఈ సభ ఏర్పాట్లపై కూడా ఓ కమిటీని ఏర్పాటు చేయనుంది. అదే రోజు రాష్ట్రంలో మూడు చోట్ల బస్సు యాత్రలు చేపట్టాలని నిర్ణయం తీసుకుంది.
ఈ కమిటీల నియామకం కోసం పార్టీ రాష్ట్ర ఇంచార్జీలు ప్రకాష్ జవదేకర్, సునీల్ భన్సల్ ,కిషన్ రెడ్డి లు చర్చిస్తున్నారు.
ఇప్పటికే పార్టీ టికెట్ల కోసం బీజేపీ దరఖాస్తులను ఆహ్వానించగా, వెయ్యి మందికి పైగా ఆశావాహులు బీజేపీ టికెట్ల కోసం దరఖాస్తు చేసుకోవడం గమనార్హం.