దేశంలో మళ్లీ పుంజుకుంటున్న కరోనా; కొత్తగా 2,151 కేసులు, 5 నెలల్లో ఇదే అత్యధికం
ఈ వార్తాకథనం ఏంటి
దేశంలో కరోనా కేసులు రోజురోజుకు పెరుగుతున్నాయి కానీ, తగ్గడం లేదు. దేశంలో గత 24గంటల్లోనే 2,151 కొత్త కరోనా వైరస్ కేసులు నమోదైనట్లు కేంద్ర ఆరోగ్య మంత్రిత్వ శాఖ పేర్కొంది. గత ఐదు నెలల్లో ఇదే అత్యధికం కావడం గమనార్హం. తాజాగా బాధితులతో కలిసి దేశంలో మొత్తం క్రియాశీల కేసులు 11,903కి పెరిగినట్లు కేంద్రం వెల్లడించింది. రోజువారీ పాజిటివిటీ రేటు 1.51 శాతం, వీక్లీ పాజిటివిటీ రేటు 1.53 శాతంగా నమోదైనట్లు కేంద్ర ఆరోగ్య మంత్రిత్వ శాఖ పేర్కొంది. మహమ్మారి వ్యాప్తి చెందినప్పటి నుంచి దేశంలో ఇప్పటి వరకు 4.47 కోట్లకు (4,47,09,676)చేరుకున్నట్లు కేంద్రం చెప్పింది.
కరోనా
దేశంలో కరోనాతో కొత్తగా ఏడుగురు మృతి
దేశంలో కొత్తగా కరోనా కారణంగా ఏడు మరణాలు సంభవించాయి. దీంతో మరణాల సంఖ్య 5,30,848కి పెరిగిందని ఆరోగ్య మంత్రిత్వ శాఖ తెలిపింది. తాజా మరణాల్లో మహారాష్ట్రలో మూడు మరణాలు, కర్ణాటకలో ఒకటి, కేరళలో మూడు మరణాలు సంభవించాయి. యాక్టివ్ కేసులు మొత్తం ఇన్ఫెక్షన్ల సంఖ్యలో 0.03 శాతం ఉన్నాయి. జాతీయ రికవరీ రేటు 98.78 శాతంగా నమోదైందని ఆరోగ్య మంత్రిత్వ శాఖ తెలిపింది. గత 24గంటల్లో కోవిడ్ నుంచి కోలుకున్న వారి సంఖ్య 1,200కాగా, మొత్తం రికవరీలు 4,41,66,925కి పెరిగినట్లు కేంద్రం వెల్లడించింది. కోవిడ్ కేసు మరణాల రేటు 1.19 శాతంగా నమోదైంది.