Delhi rain: ఢిల్లీలో భారీ వర్షాలు.. ఆరుగురు మృతి.. కరెంటు కోతలు,నీటి సరఫరాలో అంతరాయం
ఈ వార్తాకథనం ఏంటి
88 ఏళ్లలో జూన్‌లో ఎన్నడూ లేనంతగా నిన్న ఒక్కరోజులో దిల్లీలో భారీ వర్షపాతం నమోదైంది. అలాగే ఢిల్లీలో ఈరోజు ఎడతెరిపి లేకుండా కురుస్తున్న వర్షం కారణంగా ఢిల్లీ నగరం స్తంభించింది.
రుతుపవనాలు ఢిల్లీకి చేరుకోవడంతో రానున్న ఐదు రోజుల పాటు తేలికపాటి నుంచి మోస్తరు వర్షాలు కురుస్తాయని భారత వాతావరణ శాఖ (ఐఎండీ) అంచనా వేసింది.
ఢిల్లీలోని కొన్ని ప్రాంతాల్లో జూలై 1 వరకు భారీ వర్షాలు కురిసే అవకాశం ఉందని హెచ్చరికలు జారీ చేశారు.
నిన్న ఢిల్లీలో 24 గంటల్లో 228.1 మిల్లీమీటర్ల వర్షం నమోదవడంతో, నగరంలోని పలు ప్రాంతాలు నీట మునిగాయి.
వివరాలు
వాగులో మునిగి ఒకరు మృతి
అలాగే పలు ప్రాంతాల్లో చాలా సేపు విద్యుత్ సరఫరా నిలిచిపోయింది.
ఢిల్లీలో వర్షాల కారణంగా సంభవించిన ప్రమాదాల్లో వర్షంతో నిండిన వాగుల్లో మునిగి ఇద్దరు చిన్నారులు సహా కనీసం ఆరుగురు మరణించారు.
నిన్న సాయంత్రం ఢిల్లీలోని న్యూ ఉస్మాన్‌పూర్ ప్రాంతంలో వర్షపు నీరు నిండిన గుంటలో ఆడుకుంటూ ఎనిమిది, పదేళ్ల వయసున్న ఇద్దరు బాలురు నీటిలో మునిగి చనిపోయారు.
షాలిమార్‌బాగ్‌లో జరిగిన మరో ప్రమాదంలో, వరద నీటిలో పడి ఒక వ్యక్తి మునిగిపోయాడు.
ఈరోజు, ద్వారకా, పాలం, వసంత్ విహార్, వసంత్ కుంజ్, గుర్గావ్, ఫరీదాబాద్, మనేసర్ సహా ఢిల్లీ-ఎన్‌సిఆర్‌లో ఉరుములతో కూడిన తేలికపాటి నుండి మోస్తరు వర్షం కురిసే అవకాశం ఉందని IMD అంచనా వేసింది.