Dream11 jackpot: రూ.49తో బెట్టింగ్ పెట్టి.. కోటీశ్వరుడైన డీజే వర్కర్
బిహార్‌కు చెందిన రాజు రామ్ అనే వ్యక్తి డ్రీమ్11 బెట్టింగ్‌లో తన అదృష్టాన్ని పరీక్షించుకున్నాడు. కేవలం రూ.49లో బెట్టింగ్ పెట్టి రూ.కోటి జాక్ పాట్ కొట్టేశాడు. కొన్ని లక్షల మందిని ఓడించి మరీ.. రాజు రామ్ ఈ ప్రైజ్ మనీని గెలుచుకున్నాడు. బిహార్‌లోని నవాడా జిల్లాలోని ఒక చిన్న గ్రామానికి చెందిన రాజు రామ్.. పెళ్లిళ్లతో పాటు ఇతర శుభ కార్యాలయాలకు డీజేను ఏర్పాటు చేస్తుంటాడు. రెండు సంవత్సరాలుగా డ్రీమ్ 11 గేమ్ ఆడుతున్నాడు. ఎప్పుడు పెట్టినా.. చిన్నమొత్తంలో పెట్టుబడి పెట్టేవాడు. తాజాగా ఆస్ట్రేలియాలో జరంగుతున్న బిగ్‌బాష్ లీగ్‌లో భాగంగా సిడ్నీ థండర్ వర్సెస్ రిస్బేన్ హీట్ మ్యాచ్‌లో కేవలం రూ.49తో బెట్టింగ్ పెట్టాడు. ఏకంగా కోటి రూపాయాలను సొంతం చేసుకున్నాడు.
35లక్షల మందిని వెనక్కి నెట్టి..
రాజుకు క్రికెట్ అంటే చాలా ఇష్టం. ఆ మక్కువతోనే తరుచూ డ్రీమ్ 11లో పెట్టుబడి పెడుతుంటాడు. రాజు ఇప్పటి వరకు డ్రీమ్ 11లో మొత్తం రూ. 85,000 లను బెట్టింగ్ పెట్టి పోగొట్టుకున్నాడట. తన జీవితంలో ఎప్పుడూ కూడా కోటి రూపాయలు గెస్తానని అనుకోలేదని చెప్పాడు. సిడ్నీ థండర్ వర్సెస్ రిస్బేన్ హీట్ మ్యాచ్‌లో రూ. 49 బెట్టింగ్ పెట్టి.. ప్రథమ స్థానంలో నిలవడం వల్ల రాజు రూ. కోటిని గెలుచుకోగలిగాడు. అయితే ప్రపంచవ్యాప్తంగా బెట్టింగ్ పెట్టిన 35లక్షల మందిని వెనక్కి నెట్టి.. రాజు మొదటి స్థానంలో నిలవడం గమనార్హం.
