Karnataka: హైకమాండ్ ఆదేశాలపై సిద్ధరామయ్య ఇంట్లో డీకే శివకుమార్ కీలక భేటీ!
ఈ వార్తాకథనం ఏంటి
కర్ణాటక కాంగ్రెస్ ప్రభుత్వంలో పవర్ షేరింగ్ అంశంపై గత కొద్ది రోజులుగా ఉద్రిక్తతలు కొనసాగుతున్నాయి. ప్రభుత్వం ఏర్పడి ఇప్పటికి రెండున్నరేళ్లు పూర్తయిన నేపథ్యంలో ఒప్పందం ప్రకారం పదవి భాగస్వామ్యం జరగాల్సిన సమయం వచ్చినందున, డీకే శివకుమార్ వర్గం తమ డిమాండ్‌పై మొండిగా నిలుస్తోంది. ఈ పరిణామాల నేపథ్యంలో సిద్ధరామయ్య-డీకే శివకుమార్ వర్గాలు హస్తినలో హైకమాండ్‌తో చర్చలు నిర్వహించాయి. ఇదిలా ఉండగా తాజా పరిణామంగా సిద్ధరామయ్య డీకే శివకుమార్‌ను అల్పాహారానికి ఆహ్వానించారు. శనివారం బెంగళూరులోని సిద్ధరామయ్య నివాసానికి డీకే శివకుమార్ చేరుకొని ఇద్దరూ కలిసి బ్రేక్‌ఫాస్ట్ చేశారు.
Details
న్యాయ సలహాదారు ఎ.ఎస్. పొన్నన్న కూడా హాజరు
ఈ సమావేశానికి ముఖ్యమంత్రి న్యాయ సలహాదారు ఎ.ఎస్. పొన్నన్న కూడా హాజరయ్యారు. ఈ నేపథ్యంలో హైకమాండ్ తీసుకునే ఏ నిర్ణయానికైనా తాను కట్టుబడి ఉంటానని సిద్ధరామయ్య శుక్రవారం స్పష్టం చేశారు. హైకమాండ్ సూచనలను అంగీకరిస్తానని డీకే శివకుమార్ కూడా ప్రకటించారు. 'హైకమాండ్ నన్ను న్యూఢిల్లీకి పిలిస్తే నేను వెళ్తానని ఆయన ట్వీట్‌లో పేర్కొన్నారు. ఇదిలా ఉంటే శనివారం మధ్యాహ్నం డీకే శివకుమార్ ఢిల్లీకి వెళ్తున్నారని సమాచారం.