వడగళ్ల వాన పడినా గింజ రాలదు.. పంట స్థిరంగా ఉంటుంది
పంట తెగుళ్లను తట్టుకొని ఈదురుగాలులు, వడగళ్లు పడినా పంట నేల వాలకుండా స్థిరంగా ఉంటుంది. వానాకాలం సీజన్ ను దృష్టిలో ఉంచుకొని నకిలీ విత్తనాల సమస్యను నివారించడానికి రాష్ట్ర ప్రభుత్వం కృషి చేస్తుంది. ఈ మేరకు తెలంగాణ వ్యవసాయ విశ్వవిద్యాలయం వంగడాలపై విస్తృత ప్రచారం చేయాలని ప్రభుత్వం ఆదేశించింది. ప్రధానంగా వడగళ్ల వానలు, భారీ వర్షాల నేపథ్యంలో వరి పంటను నెల ముందే సాగయ్యేలా చూడాలని ప్రభుత్వం భావిస్తోంది. విశ్వవిద్యాలయం దీనికి అనుగుణంగా విత్తనాలను రైతులకు అందుబాటులోకి తేవాలని వ్యవసాయశాఖ నిర్ణయించింది. ముఖ్యంగా చీడపీడల గురించి రైతులకు అవగాహన కల్పించాలని ప్రభుత్వం పేర్కొంది.
విత్తన మేళాను నిర్వహించనున్న ప్రభుత్వం
ప్రభుత్వ ఆదేశాల మేరకు బుధవారం వ్యవసాయ విశ్వవిద్యాలయంలో వరంగల్, పాలెం, జగిత్యాల వ్యవసాయ పరిశోధన కేంద్రాలలో కృషి విజ్ఞాన కేంద్రాల్లో విత్తన మేళాను నిర్వహించనున్నారు. కొన్ని చోట్ల వర్సిటీ రూపొందించిన వంగడాలను రైతులకు అందుబాటులో ఉంచనున్నారు. ఈ మేళాలో 1 రకాల పంటలకు చెందిన 45 రకాల విత్తనాలతో పాటు పశుగ్రాస విత్తనాలు, జీవ ఎరువుల విక్రయానికి ఉంటాయని తెలిపారు. ఈ అవకాశాన్ని రైతులు సద్వినియోగం చేసుకోవాలని తెలిపారు.
ఈ టైమ్ లైన్ ని షేర్ చేయండి