దిల్లీ: స్నేహితుడి కుమార్తెపై ప్రభుత్వ ఉన్నతాధికారి అత్యాచారం.. గర్భం దాల్చిన బాలిక
ఈ వార్తాకథనం ఏంటి
14 ఏళ్ల స్నేహితుడి కుమార్తెపై ఓ దిల్లీ ప్రభుత్వ ఉన్నతాధికారి దారుణంగా వ్యవహరించారు. ఆ బాలిక తండ్రి చనిపోయాడనే జాలి కూడా లేకుండా ఆమెపై అత్యాచారం చేశాడు.
ఈ విషయం బయటకు రావడంతో దిల్లీ పోలీసులు ఆ అధికారితో పాటు ఆయన భార్యపై ఎఫ్ఐఆర్ నమోదు చేశారు.
దిల్లీ ప్రభుత్వ మహిళా, శిశు అభివృద్ధి శాఖలోని ఒక సీనియర్ అధికారి తన స్నేహితుడి 14 ఏళ్ల కుమార్తెపై చాలా నెలలు పాటు అత్యాచారం చేస్తున్నట్లు ఆరోపణలు ఎదుర్కొంటున్నారు.
బాధితురాలు అయిన బాలిక ప్రస్తుతం 12వ తరగతి చదువుతోంది. ఆమె 2020లో తన తండ్రిని కోల్పోయింది. ఆ తర్వాత నిందితుడు ఆమెను తన ఇంటికి తీసుకువచ్చాడు.
దిల్లీ
బాలికపై అత్యాచారానికి భర్తకు సహకరించిన భార్య
దిల్లీ ప్రభుత్వంలో ఉన్నతాధికారిగా ఉన్న ఆ వ్యక్తి 2020 నుంచి 2021 మధ్య ఆ బాలికపై అనేకసార్లు అత్యాచారం చేశాడు. ఈ మేరకు ఆ బాలిక ఫిర్యాదులో పేర్కొంది.
ఈ క్రమంలో ఆ బాలిక గర్భం కూడా దాల్చింది. దీంతో భార్య సాయంతో ఆ అధికారి బాలిక గర్భాన్ని తొలగించాడు. గర్భాన్ని తొలగించేందుకు అవసరమైన మందులను తన కొడుకు ద్వారా అతని భార్య తెప్పించుకుంది. ఈ విషయాన్ని బాలిక తన ఫిర్యాదులో వెల్లడించింది.
బాలిక ప్రస్తుతం చికిత్స పొందుతోంది. ఆమె వాంగ్మూలాన్ని మేజిస్ట్రేట్ ముందు నమోదు చేయాల్సి ఉంది.
ఉన్నతాధికారిపై వచ్చిన తీవ్ర ఆరోపణలపై దిల్లీ పోలీసులు తదుపరి విచారణ చేపట్టారు. అధికారితో పాటు అతని భార్యపై కూడా పోలీసులు అభియోగాలు మోపారు.