Anita: హోంమంత్రి అనిత సోషల్ మీడియా అకౌంట్ హ్యాక్.. అధికారుల అలర్ట్
ఈ వార్తాకథనం ఏంటి
ఆంధ్రప్రదేశ్ హోంమంత్రి వంగలపూడి అనితకు చెందిన సామాజిక మాధ్యమ వేదిక 'ఎక్స్' (X) అకౌంట్ హ్యాక్ అయినట్లు అధికారులు వెల్లడించారు. ఈ ఘటనపై అప్రమత్తమైన అధికారులు ప్రజలు, మీడియా ప్రతినిధులు, ఫాలోవర్లకు కీలక సూచనలు చేశారు. అనధికారిక పోస్టులు చేస్తున్న హ్యాకర్లు హోంమంత్రి అధికారిక 'ఎక్స్' ఖాతా నుంచి ప్రస్తుతం అనధికారిక పోస్టులు వెలువడుతున్నట్లు అధికారులు గుర్తించారు. ఈ నేపథ్యంలో ఆ అకౌంట్లో కనిపిస్తున్న పోస్టులను అధికారిక ప్రకటనలుగా లేదా హోంమంత్రి సందేశాలుగా పరిగణించవద్దని స్పష్టం చేశారు.
వివరాలు
ప్రజలు, మీడియాకు విజ్ఞప్తి
హ్యాక్కు గురైన అకౌంట్ నుంచి వచ్చే పోస్టులను నమ్మకుండా జాగ్రత్తగా ఉండాలని ప్రజలు, మీడియా సంస్థలు, అలాగే హోంమంత్రి ఫాలోవర్లను అధికారులు కోరారు.
అధికారిక సమాచారం సంబంధిత ప్రభుత్వ వేదికల ద్వారానే విడుదలవుతుందని తెలిపారు.
ఫిర్యాదు నమోదు.. అకౌంట్ రికవరీకి చర్యలు
హోంమంత్రి 'ఎక్స్' అకౌంట్ హ్యాక్ అయిన విషయంపై ఇప్పటికే సంబంధిత అధికారులకు ఫిర్యాదు చేసినట్లు వెల్లడించారు.
హ్యాకింగ్కు పాల్పడిన వ్యక్తులను గుర్తించేందుకు చర్యలు కొనసాగుతున్నాయని, అలాగే హ్యాక్కు గురైన అకౌంట్ను తిరిగి స్వాధీనం చేసుకునేందుకు (రికవరీ) ప్రయత్నాలు జరుగుతున్నాయని అధికారులు తెలిపారు.