భారత ఆర్థిక వ్యవస్థ చాలా బలమైనది: ఐఎంఎఫ్ చీఫ్ ప్రశంసలు
ఈ వార్తాకథనం ఏంటి
అంతర్జాతీయ ద్రవ్యనిధి విభాగం(ఐఎంఎఫ్) చీఫ్ డేనియల్ లీ భారత ఆర్థిక వ్యవస్థపై ప్రశంసలు కురిపించారు. భారత ఆర్థిక వ్యవస్థ చాలా బలమైనదిగా అభివర్ణించారు. అధిక వృద్ధి రేటులో ప్రస్తుతం ప్రపంచ ఆర్థిక వ్యవస్థలో భారతదేశం మెరుగ్గా ఉందని పేర్కొన్నారు. 2022లో భారతదేశం వృద్ధి రేటు 6.8గా ఉందన్నారు. ప్రస్తుతం ప్రపంచ ఆర్థిక వ్యవస్థలో ఆకర్షణీయమైన స్థానంలో ఉన్నవాటిలో భారత్ ఒకటని చెప్పారు. అలాగే 2023-24 వృద్ధి అంచనాను తగ్గించినట్లు వెల్లడించారు. 2023-24 వృద్ధి అంచనాను అంతకుముందు 6.1 శాతం నుంచి 5.9 శాతానికి కుదించినట్లు పేర్కొన్నారు. అయితే గణనీయమైన తగ్గుదల ఉన్నప్పటికీ, భారతదేశం ప్రపంచంలోనే అత్యంత వేగంగా అభివృద్ధి చెందుతున్న ఆర్థిక వ్యవస్థగా కొనసాగుతోందని వరల్డ్ ఎకనామిక్ అవుట్‌లుక్ గణాంకాలు వెల్లడించాయి.
వృద్ధి రేటు
ద్రవ్యోల్బణం 4.9 శాతానికి తగ్గుదుల: ఐఎంఎఫ్
2020-2021లో వాస్తవానికి అనుకున్నదానికంటే చాలా మెరుగ్గా ఉందని తాము గ్రహించినట్లు డేనియల్ లీ చెప్పారు. వచ్చే ఏడాది 6.3వృద్ధి రేటుకు చేరుకొవచ్చని లీ అంచనా వేశారు. ఉన్నత జీవన ప్రమాణాలను కొనసాగించడానికి, ఆ ఉద్యోగాలను సృష్టించడానికి అవసరమైన భారతదేశానికి లాంటి చాలా బలమైన ఆర్థిక వ్యవస్థ అవసరమని అని లీ అన్నారు. ప్రస్తుత సంవత్సరంలో భారత ద్రవ్యోల్బణం 4.9 శాతానికి తగ్గుతుందని, వచ్చే ఆర్థిక సంవత్సరంలో 4.4 శాతానికి తగ్గుతుందని ఐఎంఎఫ్ అంచనా వేసింది. ఐఎంఎఫ్ వృద్ధి అంచనా, రిజర్వ్ బ్యాంక్ ఆఫ్ ఇండియా (ఆర్‌బీఐ) అంచనా కంటే తక్కువగా ఉండటం గమనార్హం.