Republic Day 2024:2024రిపబ్లిక్ డే ముఖ్య అతిథిగా ఫ్రాన్స్ అధ్యక్షుడు ఇమ్మాన్యుయేల్ మాక్రాన్
ఈ వార్తాకథనం ఏంటి
వచ్చే ఏడాది జనవరి 26న జరిగే రిపబ్లిక్ డే వేడుకలకు ఫ్రెంచ్ అధ్యక్షుడు ఇమ్మాన్యుయేల్ మాక్రాన్ ముఖ్య అతిథిగా హాజరు కాబోతున్నారని వార్తా సంస్థ PTI శుక్రవారం నివేదించింది. 2024లో జరిగే భారత గణతంత్ర దినోత్సవ వేడుకలకు ముఖ్యఅతిథిగా హాజరు కావాల్సిందిగా ఫ్రెంచ్ అధ్యక్షుడు ఇమ్మాన్యుయేల్ మాక్రాన్‌ను భారత ప్రభుత్వం ఆహ్వానించింది. ఈఏడాది ప్రారంభంలో ప్రధాని నరేంద్ర మోదీ ఫ్రాన్స్‌ను సందర్శించారు.అక్కడ పారిస్‌లోని బాస్టిల్ దత్ పరేడ్‌కు గౌరవ అతిథిగా హాజరయ్యారు. న్యూఢిల్లీలో జరిగిన G20 సమ్మిట్ 2023 సందర్భంగా,గణతంత్ర దినోత్సవం 2024వేడుకలకు ముఖ్య అతిథిగా హాజరు కావాలని ప్రధాని మోదీ జో బైడెన్‌కు ఆహ్వానం పంపారు. అయితే,రిపబ్లిక్ డే వేడుకలకు ముఖ్య అతిథిగా బైడెన్ వచ్చే అవకాశం లేదని అమెరికా తెలిపింది.
Details
గణతంత్ర దినోత్సవం అతిథిగా 6వ సారి ఫ్రెంచ్ ప్రెసిడెంట్
1950 నుండి, భారతదేశం గణతంత్ర దినోత్సవ వేడుకలకు అత్యధిక సంఖ్యలో ఆహ్వానాలను అందుకున్న ఏకైక దేశంగా ఫ్రాన్స్ ప్రత్యేకతను కలిగి ఉంది. 2016లో, అప్పటి ఫ్రెంచ్ ప్రెసిడెంట్ ఫ్రాంకోయిస్ హోలాండే భారత రిపబ్లిక్ డే పరేడ్‌కు ముఖ్య అతిథిగా హాజరు కాగా, 2008లో అధ్యక్షుడు నికోలస్ సర్కోజీని ఆ కార్యక్రమానికి అతిథిగా దేశం ఆహ్వానించింది. 1998లో అప్పటి ఫ్రెంచ్ ప్రెసిడెంట్ జాక్వెస్ చిరాక్‌కి ఆహ్వానం అందింది. 1980లో ఫ్రెంచ్ ప్రెసిడెంట్ వాలెరీ గిస్కార్డ్ డి ఎస్టేయింగ్‌ను రిపబ్లిక్ డే వేడుకలకు ముఖ్య అతిథిగా భారతదేశం ఆహ్వానించింది. 1976లో, ఫ్రాన్స్ మాజీ ప్రధాని జాక్వెస్ చిరాక్ భారతదేశ గణతంత్ర దినోత్సవ వేడుకలకు ముఖ్య అతిథిగా ఆహ్వానించబడిన మొట్టమొదటి నాయకుడిగా నిలిచారు.