Operation Sindoor: ఆత్మాహుతి డ్రోన్లు, స్కాల్ప్ క్షిపణులతో విరుచుకుపడ్డ భారత్
ఈ వార్తాకథనం ఏంటి
భారత రక్షణ దళాలు త్రివిధ సేనల సమన్వయంతో నిర్వహించిన ఆపరేషన్ సిందూర్‌లో పాక్‌లోని తొమ్మిది ఉగ్రవాద స్థావరాలను ధ్వంసం చేశాయి.
ఈ దాడుల్లో అత్యాధునిక ఆయుధాలను ఉపయోగించినట్లు ప్రాథమిక సమాచారం వెల్లడిస్తోంది.
ఆత్మాహుతి డ్రోన్లు, స్కాల్ప్ క్షిపణులు, హ్యామర్ బాంబులు వంటి అత్యంత శక్తివంతమైన ఆయుధాలను ఉపయోగించిందని తెలుస్తోంది.
Details
ఆత్మాహుతి డ్రోన్ల వినియోగం
ఈ దాడుల్లో ఆత్మాహుతి డ్రోన్లను వినియోగించినట్లు సమాచారం. ఇవి 'లాయిటరింగ్ మ్యూనిషన్' అని పిలుస్తారు. ఈ డ్రోన్లు లక్ష్యాలను గుర్తించి, వాటిపై విరుచుకుపడతాయి.
ఇవి ప్రత్యేకమైన నిఘా సామర్థ్యాలు కలిగి ఉంటాయి, తద్వారా శత్రు లక్ష్యాలను ఖచ్చితంగా ఛేదించవచ్చు.
ఈ డ్రోన్లు సైనికులకు ప్రాణ నష్టం నివారించడంలో సాయపడతాయి
స్కాల్ప్ క్షిపణులు
స్కాల్ప్ క్షిపణులు, లేదా "స్ట్రామ్ షాడో", ఫ్రాన్స్ తయారుచేసిన దీర్ఘశ్రేణి క్రూజ్ మిసైల్‌లు. ఇవి దాదాపు 250 కిలోమీటర్ల దూరంలోని లక్ష్యాలను ఛేదించేందుకు సామర్థ్యమున్నవి.
వీటిని యుద్ధ విమానాల ద్వారా ప్రయోగించవచ్చు. భారత సైన్యం తాజాగా ఈ క్షిపణులను ఫ్రాన్స్ తయారీ రఫేల్ విమానాల నుంచి ప్రయోగించినట్లు భావిస్తున్నారు.
Details
హ్యామర్ బాంబులు
హ్యామర్ బాంబులు బలమైన నిర్మాణాలు, బంకర్లను ధ్వంసం చేయడానికి ఉపయోగిస్తారు. ఇవి స్మార్ట్ బాంబుల కోవలోకి వస్తాయి, మరియు 50-70 కిలోమీటర్ల దూరం నుంచి ప్రయోగించవచ్చు.
ఈ బాంబులు బహుళ అంతస్తుల భవనాలు, బంకర్లను ధ్వంసం చేసే సామర్థ్యాన్ని కలిగి ఉంటాయి.
ఉగ్ర స్థావరాల లక్ష్యాలు
భారత సైన్యం పాక్‌లోని జైషే మహమ్మద్, లష్కరే తోయిబా సంస్థల ముఖ్యమైన ఉగ్ర స్థావరాలపై దాడి చేసింది.
బహవల్పూర్‌లోని మర్కజ్ సుబాన్, జైషే మహమ్మద్‌కు చెందిన ప్రధాన కార్యాలయం, లష్కరే తోయిబా కార్యాలయం, ఇది సరిహద్దుకు 30 కిలోమీటర్ల దూరంలో ఉంది, వీటి దాడి లక్ష్యంగా నిలిచాయి.
Details
సమన్వయంతో ఆపరేషన్స్
ఈ ఆపరేషన్‌ను భారత ఎయిర్‌ఫోర్స్, ఆర్మీ, నేవీ అత్యంత సమన్వయంతో నిర్వహించాయి.
బవహల్పూర్ మరియు మురిద్కేలను ధ్వంసం చేయడం వాయుసేన బాధ్యతగా ఉన్నట్లు తెలుస్తోంది. ఇతర ఉగ్ర స్థావరాలపై దాడులు భారత ఆర్మీ చేతులా జరిగాయి.
నౌకాదళం తన నిఘా వ్యవస్థలను వినియోగించి ఈ ఆపరేషన్‌కు సహకరించింది.