తదుపరి వార్తా కథనం
Weather: వాయుగుండం బలపడే సూచనలు.. కోస్తాంధ్ర, రాయలసీమలో ఎల్లో అలర్ట్
వ్రాసిన వారు
Jayachandra Akuri
Nov 22, 2025
03:20 pm
ఈ వార్తాకథనం ఏంటి
మలక్కా-దక్షిణ అండమాన్ సముద్రం మధ్య ప్రాంతంలో ఒక అల్పపీడనం ఏర్పడింది. వాతావరణ శాఖ అంచనా ప్రకారం, ఇది పశ్చిమ వాయవ్య దిశలో కదిలి, ఈ నెల 24న ఆగ్నేయ బంగాళాఖాతంలో వాయుగుండంగా మారే అవకాశం ఉంది. నిపుణుల సూచన ప్రకారం ఈ వాయుగుండం మరింత బలపడే అవకాశం ఉంది. ఈ నేపథ్యంలో కోస్తాంధ్ర, రాయలసీమ జిల్లాలకు ఎల్లో అలర్ట్ జారీ చేయబడింది. రాబోయే 48 గంటల్లో రాయలసీమ మరియు దక్షిణ కోస్తా ప్రాంతాల్లో మోస్తరు వర్షాలు కురిసే అవకాశం ఉంది. అలాగే నెల్లూరు, చిత్తూరు, అన్నమయ్య, తిరుపతి, కడప జిల్లాల్లో తేలికపాటి వర్షాలు పడే సూచనలు వాతావరణ శాఖ అధికారులు వెల్లడించారు.