Jammu and Kashmir: బస్సుపై విరిగిపడ్డ కొండచరియలు: ఇద్దరు మృతి
జమ్ముకశ్మీర్‌లోని దోడా జిల్లా భంఘ్రూ గండోహ్ గ్రామం సమీపంలో బస్సు పై కొండచరియలు విరిగిపడటంతో ఇద్దరు వ్యక్తులు మరణించారు. మరో ఇద్దరికి గాయాలు అయ్యాయి. ఈ ఘటన ఆదివారం జరిగింది. కొండచరియలు విరిగిపడ్డ విషయం తెలుసుకున్న అధికారులు వెంటనే రెస్క్యూ ఆపరేషన్ ప్రారంభించారు. బస్సులో చిక్కుకున్న నలుగురిని బయటకు తీసి సబ్ డిస్ట్రిక్ట్ హాస్పిటల్ గండోహ్‌కు తరలించారు. ఈ నలుగురిలో ఇద్దరు వ్యక్తులు మార్గమధ్యలోనే చనిపోయారు. మరో ఇద్దరు చికిత్స పొందుతున్నట్లు డోడా జిల్లా కమిషనర్ విశేష్ మహాజన్ తెలిపారు. మృతులను దోడాలోని కహారా నివాసి అమిత్ సోహైల్, హలోర్ చంగా నివాసి ముదాసిర్ అలీగా పోలీసులు గుర్తించారు.
