Telangana: తెలంగాణ హైకోర్టు ప్రధాన న్యాయమూర్తిగా జస్టిస్ సుజయ్పాల్
ఈ వార్తాకథనం ఏంటి
తెలంగాణ హైకోర్టుకు తాత్కాలిక ప్రధాన న్యాయమూర్తిగా జస్టిస్ సుజయ్‌పాల్‌ను రాష్ట్రపతి నియమించారు. సీనియర్ న్యాయమూర్తిగా ఉన్న ఆయనకు ప్రధాన న్యాయమూర్తి బాధ్యతలు అప్పగించేందుకు సంబంధిత ఉత్తర్వులు జారీ అయ్యాయి. ప్రస్తుతం హైకోర్టు సీజేగా ఉన్న జస్టిస్ ఆలోక్ అరాధే బాంబే హైకోర్టుకు బదిలీ అయ్యారు.
వివరాలు
2014లో శాశ్వత న్యాయమూర్తిగా ప్రమోషన్
జస్టిస్ సుజయ్పాల్ 1964 జూన్ 21న జన్మించారు. బీకాం, ఎంఏ, ఎల్‌ఎల్‌బీ చదువు పూర్తిచేసిన ఆయన 1990లో మధ్యప్రదేశ్ బార్ కౌన్సిల్‌లో సభ్యత్వం పొందారు. బ్యాంకులు, మానవ హక్కుల కమిషన్, వివిధ బోర్డులకు న్యాయసేవలు అందించిన అనుభవం ఆయనకు ఉంది. 2011లో మధ్యప్రదేశ్ హైకోర్టులో అదనపు న్యాయమూర్తిగా నియమితులై, 2014లో శాశ్వత న్యాయమూర్తిగా ప్రమోషన్ పొందారు. సుప్రీం కోర్టు కొలీజియం సిఫారసుతో, 2024 మార్చి 21న తెలంగాణ హైకోర్టు న్యాయమూర్తిగా బదిలీ అయ్యారు. ఇటీవలే ఆయన తాత్కాలిక సీజేగా బాధ్యతలు చేపట్టారు.